ياحمد مبروك عانقت اللقب وانذاع صيته *** قمت المرقاب تشهد ياحمد شاعر وليده



وتشهد هيام القوافي نوخت باطراف بيته *** دون يامرها لانه شاعر ملوك العقيده



امبرى لام المعارك.. لاحداني ..لا حديته *** ياصل الجمه على ماقيل بحبالان جويده



ترمح الميدان خيله مثل رجلن لا نخيته *** شاش منه الجاش يضوي بالقريبه والبعيده



يبني ابيات المثايل جزلتن لامن قريته *** لا رموز ولا طلاسم تحجب ارسال القصيده



وامبرا يا لليل صبحن يكشف اخمار ارتديته *** لين بان الحق وجهه مشرقن بيام عيده

يعطيك العافية اخي ابو الهنوف صح لسانك
كما تعودناك متالق

الله يعطيك العافيه
شاعرنا المميز أبو الهنوف
على هذه القصيده الجزله
ويستاهل حمد العصيمي

سلمت يمينك وصح لسانك على هذا الابداع الشعري
ابو الهنوف بيض الله وجهك

صح لسانك شاعرنا ابو الهنوف وبيض الله وجهك
حقيقه مشاركه ممتازه ومواكبه لمناسبة حصول الشاعر حمد العصيمي على لقب شاعر الملك
قصيده جزله ومتميزه
تقبل تحياتي

تسلم على هل ابيات الرائعه ويستاهل الشاعر حمد العصيمي لقب شاعر الملك