يقول السديري:



لا تقرب الأجرب بالامراض يعطبك =يصير جسمك مثل جسمه عليلي
ممشا الخطا من صافي العقل يسلبك = ويصير لك يم الرذيله سبيلي
وعن ما رد الانذال نزه مشاربك = واشرب نظيف لو ورادك طويلي
ولياك تنسى يا ابن الاجواد واجبك= واللي يروم المجد حمله ثقيلي
يالادمي وان كان كبرت مصايبك = اركن على محي البلاد المحيلي
أركن على رب بعرشه يراقبك =وناجه وبعد العسر يسره جليلي

ويقول الشاعر عبدالله العلي الحرير:



الى بغيت اتحط كلش على البال=غديت صقار بساقه هداده
تغثك الدنيا ولا ادركت به حال = مثل البعير الى تقلد اشداده

ويقول حمد بن هادي المسردي القحطاني:

من كثر ماله ساروا الناس برضاه =ولو كان ناقص قالوا الناس وافي
ومن قل ما بيده ترى الناس تشناه=ولو كان يسقيهم عسل قند صافي
فالمال كم ساس طمان وعلاه=والف قر كم حطم روابع سنافي
لاشك ما للعبد عن حكم مولاه =من خير ولا شر ولا عوافي *
ويقول: بركات الشريف:


احفظ دبشك اللي عن الناس يغنيك=اللي الى بان الخلل فيك يرفاك
اجعل دروب المرجله من معانيك= واحذر تمايل عن درجها بمرقاك
أدب ولدك كان تبغيه يشفيك = واستسفعه من بعد مرباه يالاك
*
يقول الشاعر: عبدالله بن صقيه التميمي:


ساس الردي لابد مبناه ينهال =ولد الردي صاحبي تحطه بطانه
تلقاه وقت الضيق لاضحكك الجال =الصفر لا يغريك زين لمعانه
ترى الذهب من صافي جنيه واريال= ما يختلف يا ذيب طيلة زمانه
بستان غيرك لوبه الوان واشكال=ما تنتفع من خوخه وبردقانه
ما ينفعك ما فيه لو بالثمر مال = لاصار بالغدراء جداره مخانه
ويقول ايضا:


احرص عن الزلات في كل الاحوال =لا تنخدع باللي يعلج اللبانه
ما يفتري ويشين الناس رجال= راع الحكي بالناس خله وشانه
عليك باللي بالمهمات سردال=ليث مثل من حط قوسه رهانه
انت وانا نبعد عن القيل والقال=كم واحدٍ يا ذيب ضره لسانه


منقووووووووووول

تسلم اخوي النداوي على القصائد الرائعه التي اخترتها لنا
يعطيك العافية

مختارات جميله من قصائد الحكمه نالت اعجابي
الله يعطيك العافيه

شكرا هبوب الشمال الامل القادم على مروركم الجميل