هذه القصيدة كتبها راضي بن صالح السميري بمناسبة قرب زواج (ابنه بكر )

هات الدلال وقــــــــرب البـــن و الهــــــــيل *** وقهو الضيوف و من حضــــر و المعازيب
وقدم لهم ترحيبتن كأنها حــادر السيـــــــــل *** لأهل الوفا وأهل الكـــرم و المـــــــواجيب
اللي حضــــــــــر له طيباتن كما سبــق الخيل*** ويلفي على زين النــباء وفايح الطــــــيب
ويصلح له المجــلس ويقــــــــــصر له الليل *** في مجــــــــــلس الاجــــواد عز وتراحيب
ويبعد عن الزلات ابعد من المرزم عن سهيل*** ويجلـــــس وياكل من عشـــــــــــاء الذيب
وافر لحم وزاد الشحم فيه بالحـــيل *** ويا مأطيب الفنجال من صافي الماء ماهي غثاريب
سوق اليمين مصلحة من خــــــيار الرجاجيل*** وسيع بال ولاهو من ضعاف المشــــاريب
ولاهو من اللي يجــــــــــمع المال ويشــــيل *** يدور النوماس لكن مخـــــــــطيه مايصيب
وجمع المـــــراجل ما يجي بالمنى والتماثيل *** من دونها يوجــــــع الراس ويشـــــــــيب
ولانبحث الخافي ولانخرج اللي دافن السـيل *** هذي تجـــــــــارب مثبتتها التجــــــــاريب

قصيدة رائعه وابيات جميله
وكفوا اهل الكرام والطيب شاعرنا راضى السميري

صح لسانك يا ابو بكر

صح السانك ابو بكر والله يحفظلك بكر واخوانه

يعطيك العافية ابو الزبير

صح لسانك أبو بكر

قصيدة تحث على القيم الفاضلة

وتجسد دور الأباء تجاه الأبناء

صح لسان الشاعر / راضي

اول الغيث قطره هذا ابو بكر يسطر لنا قصيده رائعة فى معانيها
تجسد مانشى عليه هولاء الرجال من الكرم وحسن الضيافة
قصيدة متميزه ينقصها الوزن فى بعض الابيات
شكرا لك شاعرنا المحترم ابو بكر وصح لسانك وعلا شانك
ونتطلع الى قصائدك القادمه
كما نشكر الاخ ابو الزبير على طرح القصيدة

صح لسانك قصيدة متميزه

يسلمووووووووو

شكراً ياخالي الغالي

يعطيك العافيه وصح لسانك