مرثية للشاعر فهد السوادي في المرحومة بإذن الله زوجة الأخ سلطان بن خلف الشمري
يالله عساها بجنة الخلد يارحمان = تغفر لذيك الصايمه يا معيني


راحت لقربك قبرها صار مسكان = آنس لوحشتها بطول السنيني


راحت وراح الطهر في هيئة انسان = شالوه في نعشه بلا مودعيني


راحت وآخر ما لمست يد سلطان = فجأه وجاه الموت حق ويقيني


الكل فاقدها قرايب وجيران = الكل في حزنه و صمته سجيني


ويلاه يا دمعي جرى فوق الأوجان = أشعل فتيل الحزن في وسط عيني


سلطان يا سلطان اصبر علشان = أطفال في وسط العنا منوميني


يالله تشافي يا ذرى كل بلشان = على السراير بالألم طايحيني


زياد معه سعود يا قرب الأخوان = حتى بهذا الظرف متجمعيني


سبحان يا سبحان يا صاحب الشان = ارفق بقلب اللي عليهم حزيني


كل ما سلا لحظات ساكت وسرحان = جدد جروحه صوت بنته بأنيني


قالت يابابا وين ماما ووش كان = الدم الأحمر بوجه ماما يبيني


يا فاجعة هالقلب وش له بالأحزان = عفوك وصبرك ربنا مرتجيني


وختامها يالله جنه وغفران = أمدهم بالصبر في كل حيني