عاشق الصحراء
10-13-2012, 09:06 PM
البارحه نومي على اكواع وكفوف=وعن لذة المرقاد عيني عيوفه
يصدف لها عن لذة النوم صادوف=صادوفها قلبن كثيره اصدوفه
ان لف به في تالي الليل لافوف=يبعد كراها من همومن تلوفه
يطلع وينزل بي بعينن من الصوف=عينن تبلت كن بالقيض صوفه
مرات ياقف بي على شفة الخوف=في ماقفن كل الافاعي تحوفه
ومرات يمشي بي على درب معطوف=ونهايته عن مابغيت معطوفه
ولادري يحصل ما يدور ورى نوف =والا يحده عن هوى نوف نوفه
راع الجناح الى من الريش منتوف=في ماقفن حلت عليه المروفه
إيلاف ولافن بلا ولف مالوف=وإيلافها زاد الكلوفه كلوفه
بينت متخفي وخفيت مكشوف=وحذفت نص الاوله من حروفه
لا تاقع الشبهه على حروف بحروف=واقف بميقاف يكلف وقوفه
والي يدبر وآل الاقدار مشيوف=لو ساعة المقسوم غير معروفه
ولا احدن قضى معظم حياته بلا ضروف=ولا كل رجال يجاحد ضروفه
وانا جحدت اللي من المتن للجوف=جحدت جرحن يجرح الي يشوفه
والحذفه الي تلمس الجسم وتطوف=ما ضنتي نفسي عليها زهوفه
جحدتها لو جاتني مثلها الوف=مدام ماهي بالجبين محذوفه
ماني ضعيف اطرد ضعيفه ورى ضعوف=والفايته ماالحق وراها حسوفه
من شان رجال مع الناس معروف=ومن شوفته تعرف بقايا وصوفه
يشوفه الي فاقد الشوف مايشوف =ونوب المفتح ياصله مايشوفه
عليك عرفه ياراع العرف لايطوف =ون ماعرفته معرفتك معيوفه
سميت من ياقف مع الحق ملقوف=ومن لا يعرفه وش نسمي صنوفه
جلست خلا لو هي على راس شفشوف=اخير من مجلس تزانت ضعوفه
تمت ومايبقى النظر عنه مصروف=ونهاية الغزوه تسمى نكوفه
الشاعر// فرحان فالح ابن دبل الربيلي العنزي
قصيدة اعجبتني فحبيت ان انقلها لكم
وتقبلوا تحياتي
اخوكم الشاعر والراوئ
عايض النميري
يصدف لها عن لذة النوم صادوف=صادوفها قلبن كثيره اصدوفه
ان لف به في تالي الليل لافوف=يبعد كراها من همومن تلوفه
يطلع وينزل بي بعينن من الصوف=عينن تبلت كن بالقيض صوفه
مرات ياقف بي على شفة الخوف=في ماقفن كل الافاعي تحوفه
ومرات يمشي بي على درب معطوف=ونهايته عن مابغيت معطوفه
ولادري يحصل ما يدور ورى نوف =والا يحده عن هوى نوف نوفه
راع الجناح الى من الريش منتوف=في ماقفن حلت عليه المروفه
إيلاف ولافن بلا ولف مالوف=وإيلافها زاد الكلوفه كلوفه
بينت متخفي وخفيت مكشوف=وحذفت نص الاوله من حروفه
لا تاقع الشبهه على حروف بحروف=واقف بميقاف يكلف وقوفه
والي يدبر وآل الاقدار مشيوف=لو ساعة المقسوم غير معروفه
ولا احدن قضى معظم حياته بلا ضروف=ولا كل رجال يجاحد ضروفه
وانا جحدت اللي من المتن للجوف=جحدت جرحن يجرح الي يشوفه
والحذفه الي تلمس الجسم وتطوف=ما ضنتي نفسي عليها زهوفه
جحدتها لو جاتني مثلها الوف=مدام ماهي بالجبين محذوفه
ماني ضعيف اطرد ضعيفه ورى ضعوف=والفايته ماالحق وراها حسوفه
من شان رجال مع الناس معروف=ومن شوفته تعرف بقايا وصوفه
يشوفه الي فاقد الشوف مايشوف =ونوب المفتح ياصله مايشوفه
عليك عرفه ياراع العرف لايطوف =ون ماعرفته معرفتك معيوفه
سميت من ياقف مع الحق ملقوف=ومن لا يعرفه وش نسمي صنوفه
جلست خلا لو هي على راس شفشوف=اخير من مجلس تزانت ضعوفه
تمت ومايبقى النظر عنه مصروف=ونهاية الغزوه تسمى نكوفه
الشاعر// فرحان فالح ابن دبل الربيلي العنزي
قصيدة اعجبتني فحبيت ان انقلها لكم
وتقبلوا تحياتي
اخوكم الشاعر والراوئ
عايض النميري