يا نايف اصبر
لشاعر عبدالرحمن المحياوي
اداء الشاعر عبدالمجيد الحجوري

يا نايف اصبر والصبر فك الابواب
لابد به يوم ونسوق التهاني
يالله انا طالبك يارب الارباب
ياعالم(ن) بالخافيه والبياني
لي صاحبن عامين طايح ومنصاب
دارت على راسه صدوف الزماني
اثر الزمن لو يبتسم يوم ماطاب
ياسرع مايقلب بظرف الثواني
ماخاب من يرفع يده فوق ماخاب
ياربنا تشفي بخيت السناني
هذا ولد مضحي وكساب الاعجاب
شاعر رقى للشعر وابدع وباني
مدرس الشعار واستاذ طلاب
بالملعبه يدحم وجنبه مالاني
شرف جهينه كلها عند الاجناب
شاعر حكيم ولايزل اللساني
لو قابله اكبر خصم منه ماهاب
يسري الشعار واحد وثاني
كسب جماهير ومحبين والقاب
يصوغ لك بالفكر حي المعاني
يشهد على قولي معادين واصحاب
ماينجحد فعل لطويل اليماني
يانايف اصبر والصبر فك الابواب
لابد به يوم ونسوق التهاني
ابوك حر معتلي فوق مرقاب
واسمه وصل حتى سهيل اليماني
شوف الملاعب شمعها فوقها ذاب
والحزن غيم بالسماء واحتواني
ياالله ياسامع ندا كل طلاب
تزيل همن بات بين المحاني
يرجع لنا طيب بعد طول وغاب
ويسير باقدامه بخيت السناني




http://www.youtube.com/watch?v=q0O8XeGq3do