حييت يا بدرٍ ضوى
الشاعر فواز الميلبي
أداء الشاعر عبدالمجيد الحجوري


حييت يا بدرٍ ضوى في مساريه
يسج هاجوسي ليا بان ضوّه
في رأس رجمٍ ضيقٍ مجلسي فيه
بندق ودله والمواقيد جوّه
مدري وش اللي حدني له وأنا أجيه
كن السعادة ساكنه في علوّه
للنوم جفوه واخلفتني حراويه
وما للمنام بمحجر العين قوّه
حتى انجلى ليلٍ نهاره يعاديه
واسترسلت بخيوطها في غدوّه
عاشق طبيعة والعشق دربه التيه
وكم عاشقٍ راحت حياته بسوّه
لو كل شخصٍ حققت له أمنيه
ما كان قلبٍ في حياته تأوّه
لكن تصاريف القدر له تباريه
مهما الأمل غرّه وسرّه هدوّه
لابد يومٍ صارم العمر يدنيه
ويبدأ فراره لو هو من الأخوّه
كلٍ بشأنه يوم له شأن يغنيه
والرابح اللي أسفر الوجه جوّه
طالبك يا ربي بعفوك وتنجيه
في يوم شاب الرأس لو كان توّه



https://www.youtube.com/watch?v=ix1UgjtK9DE




.

شكرا لك على النقل الرائع


تقبل مروري

شكرا على النقل الجميل

قصيدة رائعة