دكتور يالله جهّز الغرفه الحين
وناد استشاريين علم الجراحه




بنجيك* انا واللي عشقته من سنين
من بـعدنا ماشافت العين راحه



دكتور تكفى مانبي انكون شخصين
شف لك* طريقه تختصر هالمساحه




مابي تخلي بيننا ايسار وايمين
ادمج بعضنا اببعض لوهي اباحه



مالومك* الياقلت عنا مجانين
العقل راح وسمّح الله مراحه



حنا انتبنّج من تجي العين بالعين
مآحنآ بحآجه للمخدر صرآحه



دكتور لحظه .. بس تبي تبدي منين ؟
ابيك* تبدى فيّ ..>> ماقوى صياحه


ماقوى نزيف الدم من ناس غالين
وماقوى على دمعه بحزة مطاحه



دكتور تكفى بس اعلمك* بامرين
ودي صباحي مايفارق صباحه



هالادمي يسوى بعيني ملايين
حكمت قلبه واستطعت اكتساحه



لكن امانه تبتدي فيني الحين
حاول تخيّطنا * بسلك* الجراحــه



مما رااق لي

أنا أشهد إنه ماهو بسيط
لاهنت يابو رتال

صح لسانك ومشكور

أنا أشهد إنه ماهو بسيط
لاهنت يابو رتال

ايوالله ماهو بسيط
شكرا لمرورك

صح لسانك ومشكور

هلابك اخوي
ولاهنت على المرور