طهــور ياخـادم البيتيـن ماصابــــــــــك *** العارض اللــي غشــاك يكفـــــــــر السيـــــــه
عساك عن دارنا مايطــول غيابــــــــــك *** ياالعاهل اللي سلــيم القلــب والنيــــــــــــــــه
الله يشافيــك يبعــد كـل ماانتابـــــــــــك *** عســـــــــاك تجــي الوطـن وتعــجل الجيـــــــه
من شان شعبك فتحت القلب وبوابــــك *** وعن واهـج الشمس شــلت الشعــب بالفيـــــه
عن لفح نار السموم تضل باهدابـــــــك *** وايديــك مثــل المــطر باالخــــير ممليــــــــــه
والعـدل ثوبك وثوب العـدل يزهابـــــــــك *** اشعلـــت نـــوره ونــار الشــر مطفيـــــــــــه
عساه مرحوم من سماك من جابـــــــــك *** عبدالـــعزيز المحنـــك ناطــح الهيـــــــــــــــه
حبك تمكن بقلب الشعـب واصحابـــــــــك *** والــحب للــي يحــب يصيــر ماريــــــــــــــه
رحيم قلب وعطوف العنف ماشابـــــــــك *** ضـميت شعبـــك بلطـــف وكــل حنيـــــــــــه
رقيت بالمجد ليـن الشعــب غنابـــــــــــك *** ياطــالبيــن المعالــي خلكــم زيــــــــــــــــــه
------
الشاعر / ناجى عويض العنمى

يعطيك العافيه اخوي ابولمياء على النقل ويستاهل ابو متعب الله يرده لنا بسلامه

مشكور اخي ابو لمياء
على نقل قصيدة الشاعر المبدع ابو جاسم
وهذا الشاعر معروف بالقصائد الجميله والحكمه وصاحب اسلوب
مميز فى نظم القصائد واللقائها .
ونرحب بابو جاسم ونتطلع الى مزيد من قصائده الرائعه
ودمتم ودام عطائكم

قصيدة جميلة صح لسانك ولسان الشاعر

قصيده جميله ويستاهل أبو متعب شافاه الله وعافاه

صح لسان الشاعر
وسلمت يمينك