ذي القصصيده مآ أتوقع احد ما سمعها

وربي رووووعه مره

أتمنى تعجبكم



خايف عليها من الثرى غطاهـا
والا الحصى حافيه اخاف اذاهـا

اكرم عليها بالكفـن يـا مطـوع
بالبيت ظل فراشهـا وغطاهـا

اكرم عليه بالكفـن هـذي ( امـي )
و اشهد عليها في ما عطت يمناها

هذي الضحى والليل يتحرونه
هذي السماء و نجومـه تنعاهـا

هذي السوالـف مثلنـا تبكيهـا
والارض تنشد عن اثر لخطاهـا

هذي الكبيره كبر هـذي الدنيـا
هذي العظيمه جل مـن سواهـا

ابكي عليها مـو نهـار و ليلـه
و لا سنه تمشي وعـد قضاهـا

ابكي عليها كثـر مـا شالتنـي
و كثر الحنين الي اختلط بغناهـا

و كثر الاسامي و كثر من سموها
و كثرالنجوم و كثر من يرعاهـا

ابكي عليها من القهر يـا دنيـا
من لي انا من لي عقـب فرقاها

من فتحت عينـي و لا خلتنـي
و شوفوا ( ولدها ) بالقبـر خلاهـا

هل التراب بوجههـا مـا قصـر
شفتوا ( ولدها ) كيف هـو جازاهـا

لو انهـا مكانـي مـا سوتهـا
لاكـن اعـز ( عيالهـا ) سـواهـا

ياالدود شفها ذابله جنبها
انا ولدهـا و حاضـر وأفداهـا

قطعني هاك الي تبي من جسمـي
بس الكريمـه لا تجـي بحذاهـا

و وصيك امانه قل لها تعذرنـي
و تكفى تروح تحب لي ماطاهـا

ابيها تغفر لي مثـل مـا كانـت
كل خمله مني بطيبهـا ترفاهـا

يالله عساهـا بالنعيـم الخـالـد
و عساها في جنة عدن سكناهـا

يا فضوآ هذا الكون يا هو خالـي
يا ضيق هذي الدنيا يا مقساهـا

يا مر طعـم فراقهـا يـا مـره
ماني مصـدق ارجـع ومالقاهـا

وشلون اجي غرفتها ما هي فيها
وش عذري لسبحتها ومصلاهـا

وش اقـول انا لدولابها ,, لشنطتها
واذا سالني مشطها وحنها

وعباتهـا ومي زمزم ومصحفها
والمبخـره ورشـوشهـا ودواهـا

الكـل فـي غرفتهـا متفقدهـا
حتى الجدار مفطـر ويرجاهـا

الكـل يبكيهـا مآهـو ناسيـهـا
يالله صبرني و شلـون انساهـا

ياليتهـا مـاراحـت وخلتـنـي
او وسعت لـي بالقبـر وياهـا


للشآعر / الحميدي الشمري

ياليتهـا مـاراحـت وخلتـنـي
او وسعت لـي بالقبـر وياهـا

الصراحه قصيده موثره في الام اللهم اجعلنا بارين بهم
يعطيك العافيه اخوي

كلماات في منهى الروعه
سلمت اناملك على الانتقاء
لاتحرمنا جديدكـ
لكـ ودي.

أسعدني مروركم وتعليقكم
يعطيكم العافية
تحياتي للجميع

قصيدة مؤثرة بالأم وهي تستحق أكثر من ذلك
مشكور أبو جاسر على النقل وننتظر المزد

كل الشكر لك
أخي
(ابراهيم )
أسعدني تواجدك ... يعطيك العافية