ياصاحبي طالبك خلّني بــ حالي
ما أبي "أضيــّــق خاطرك" وأنت مرتاح

ياصاحبي وإن غبت عنك " ليالي "
غلاك باقي بــ الحنايا ولا راح

تبي أسولف لك ، وش اللي جرالي ؟؟
أخاف يمسح قولنا الصبـــح لا لاح

أجل تعال أجلس هنيـّـا قبــالي
دام الحطب طاح وكثير العتب طاح

لو كل شخص إليا عطيته وفالي
ماكان بــ الدنيا حزن ليل وجراح

ولو كل غالي قدّر إحساس غالي
ماشفت ذاك الدمع من محجره ســاح

ولو كل قلب من الحسد جاك خالي
مايشتكي من شحّ الأمطار فــــلاّح

ولو كل واحد جاك طبعه مثـــالي
ماكان بــ الدنيا سجن ناس وإصلاح

ولولا الذنوب اللي بـ كبر الجبالي
ماكان جيش الكفر لــ بلادنا إجتـــاح

ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح

هذا بعض حزن السنين التوالي
طير الحزن مبطي على خافقي ناح

ما أقول أن الخير ماله مجالي
لآ والذي يفلق من الليل الإصبــــاح

لكن هنا بعض الألم ياحلالي
وأنا أدري أن العود يوم أحترق فاح

أول أقول إني صبور وشمالي
واليوم لآ والله أنفجر سدّي وبـــاح

ماقلت لك ياذيب خلّني بـ حالي
هذا أنت ضقت وأذكرك جيت مرتاح

ممآآ رآآق لـــي...:

ولو كل قلب من الحسد جاك خالي
مايشتكي من شحّ الأمطار فــــلاّح
صح لسان الشاعر وقصيده رائعه
شكرا لك بشموخي تحديتك

لو كل شخص إليا عطيته وفالي
ماكان بــ الدنيا حزن ليل وجراح

ولو كل غالي قدّر إحساس غالي
ماشفت ذاك الدمع من محجره ســاح

ولو كل قلب من الحسد جاك خالي
مايشتكي من شحّ الأمطار فــــلاّح
يعطيك العافيه قصيده رائعه جدً دايمً الابداع عنوانك

صح لسآن قآيلهآ وسلمت يمنآ نآقلهآ
مبدعه عمآ عهدنآك ... آبآت رآآئعه كروعتك
ربي يعطيك العآفيه .. لآ خلآ ولآ عدم
بنتظآر جديدك
تحيتي لك

ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح
البيت فيه بعض الواعظه والعبره
مقصدها انه يرمي ابوه في دار الرعايه
مشكور الله يعطيك الف عافيه
تقبل مروري

اشرق متصفحي من جديد بتوآجدكم
الذي زادا موضوعي روعتآ وجمآلا
لاتحرمونـآ من هاطلـــهـ...:
لكم خالص ودي:.