حبيبتي صبآحكِ خير (http://www.gh17mr.com/vb/showthread.php?t=18325)
http://up3.up-images.com/up//uploads4/images/images-104b382b7a.gif (http://www.s89s.com/vb)


http://www.alkhubr.biz/vb/imgcache2/3948.gif (http://www.s89s.com/vb)

حبيبتي..وشلون أصبحـك بالخيـر
وأنتي.. صباح الخير والخيـر كلّـه
صبح الندى والعشب والغصن والطير
صبـح الغيوم..اللـي علينا..مطّلـه
أنتي صباحـات السعـد والتباشيـر
علـى وجيه(ن)بالرضـا مسفهـلّـه
دامك صباحي وين ما أروح وأسيـر
والله ما أدور فـوق راسـي مظلّـه
جيتي ووقفت لك ضلوعي جماهيـر
يتـل منهـا شوقـي اللـي يتـلَّـه
وما دام جيتني فانـا حالـي بخيـر
لو كان جرحي ما أسترتـه الاجلّـه
جيتك هذي غير..وإنتي بعـد غيـر
جيتك مثـل الوسـم لا جـاك حلّـه
تزهر بهـا قيعـان قلـب مداهيـر
وتـرد معهـا روح خـل(ن) لخلّـه
يا مرحبا يا أغلى وأعـز المساييـر
وأغلى المشاعر بيـت أهلهـا تدّلـه
عروق قلبـي لـك دلال(ن)مباهيـر
صبيتـهـا دلـه...ودلـه...ودلّـه
تربعـي بين الحشـا والازاريـر
وأخـذي على..ترويقـة البال..فلّـه
والا أصبري بطيـر القلـب تطييـر
وأنتي تعالـي وأجلسي..فـي محلَـه
سقت الغـلا لـك والنويـا مغاتيـر
ولا همني..حقـد القلوب..المغـلَـه
مدري صباح الخير والا مسا الخيـر
مير الوكاد .. فوجهك الخير .. كلّـه
http://up3.up-images.com/up//uploads4/images/images-104b382b7a.gif (http://www.s89s.com/vb)

قصيده رائئعه جدً يعطيكم العافيه على النقل

يسلمووووووووووووووووووو

اختي على الكلماات الرائعه

ربي يعطيك العااافيه

دوووم التميز حليفك

فلا تحرميناا من جديدك

تقبلي طلتي

هبوب الشمال

لاهنـت ع مرورك العطر ،،،

طير المحبه

لاهنـت ع مرورك العطر ،،،