السناني والزلامي [الأرشيف] - منتدى قبيلة السمره من جهينة الرسمي

ابوحسان

10-03-2010, 03:11 PM

محاوره محمد السناني والزلامي من محاورات الصيف 1431 هـ

السلام عليكم ورحمة الله وبركاته

من محاورات الصيف 1431 هـ

الزلامي:
مرحبا ترحيبة كنها شرب الغدير...من سحابة صيف يسبق مطرها سيلها
يالسناني تالي الليل مدري وش يصير...نار ابن عمار ولعت وشدت حيلها

محمد السناني:
البقا من فيض خاطر ومن بحر غزير...من حداه القيض يفزع لها ويجيلها
كيف تنشد وانت شايب من الروقه وامير...ينفذ أمرك والحموله تبي تركيلها

الزلامي:
والله إني لو اعلمك بالعلم الآخير...ماتصدق فالقضيه وفي تفصيلها
الجماعه شالوا الباخره فوق البعير...والجمل مسكين بلشان كيف يشيلها

السناني:
والله إني داري إنك رجل عندك ضمير...والحصاة اللي على الدرب كيف تزيلها
الجماعه شالوا الباخره بأمر الكبير...وإن زعلت الله يعينك على تنزيلها

الزلامي:
انت لك في كل دوله من العالم سفير...واعتقد لو جنبت عنك ماتومي لها
صد عنها واترك الطايره حتى تطير ...لو تشب النار في خشمها في ذيلها

السناني:
اعرف إني يالزلامي على نفسي بصير...عملة الديان ماارضى على تاجيلها
الفضا مشبوه والآرض كورهـ تستدير...رحلة الطيار اراهن على تعطيلها

الزلامي:
إن سبحت مع القنوات ياشاعر كبير...تصعب العله ويصعب بعد تحليلها
البدو قامت تهاوش على كيس الشعير...وانت والله لاانت داري ولا تصحي لها

السناني:
زوبعة فنجال كلٍ يثير اللي يثير...المهم إن البطاقه حصل تبديلها
دامت غن الضان تنتج لهم سمن ومضير...اشتر الحمله وقاول على توصيلها

الزلامي:
ماعلينا من سميره ولا حتى سمير...ولو جهينه والقحاطين تسرج خيلها