مسكيـن ياشـارب الـدخـان
ياليت تـدري عـن أضـراره
خسران من يشربـه خسـران
يـقـل قــدره ومـقــداره
زوده علـى شاربـه نقصـان
عذاب فـي السـر وجهـاره
يلقـى الملامـات والحقـران
وش حد نفسـه علـى نـاره
غلطان من يشربـه غلطـان
يــدق بالقـلـب مسـمـاره
الهـم والـغـم والقـطـران
وإبليـس عشـش بأفـكـاره
هذا هوى النفـس والشيطـان
يـارب سلّـم مـن أشـراره
أنصحـك يالصقرأبوالجنحـان
قبـل التتـن ينشـب أظفـاره
أتركـه ياطيّـب السيـسـان
والنـاس للـنـاس عــذاره
إستغفرالـواحـد الـديّــان
عالم خفـا العبـد وأسـراره
إعزم عزيمـة هـل الإيمـان
اللي علـى الضيـق صبّـاره
يزيـن وقتـك وجسمـك زان
ويفرح لك الـودن وأزهـاره
ترتـاح مـن هـم بالأطنـان
بنـى علـى كاهلـك شـاره
وإندم على ماضـي قـد كـان
لاتفتكـر وإنــس أخـبـاره
عليـك بالـديـن والـقـرآن
وأشغـل فراغـك بـأذكـاره
إصحب هل الطيب وأهل الشان
تعزف علـى العـز أوتـاره
تفديـك فـي حومـة الميـدان
فـي طرقـة الخيـر سيّـاره
والعبد مهمـا صلـح غلطـان
سنّـه مــع الـوقـت دوّاره
والعيب الإصـرار والنسيـان
واللي رجـع طـاب مشـواره
أنصحك وأنت إفتهـم يافـلان
وإعرف ترى الموت له غـاره
تـرى الليالـي لهـا ألــوان
معروفـة الطـبـع غــدّاره
وصلوا عـدد نـوّ بالأمـزان
والكـون والـبـر وبـحـاره
علـى الـذي جـاء بالتبيـان
رسولنـا شـعّـت انــواره

صح لسانك على القصيدة الرائعة

شكرن على مرورك متصفحي ابو حسان

صح لسان القائل ويعطيك العافيه اخوي ابومسلم على النقل

يعطي العافيه هبوب الشمال على المرور

,

صح لسآنكـ قصيده رآئع ـه جدآ /~

لآخلآ ولآ عدم ..سلمـت على الطرح ـ

ربي يعطيك العآفيه ./ ذوق رفيع بختيآركـ ..

بنتظآر جديدك القآدم

تحيآتـي لكـ ...

يعطيكي العافيه على المرور صمتي عتاب

استمر..سلمت روحك المبدعه.

ودي..