السلام عليكم ورحمة الله وبركاته




بديت باسم المكتلف في عبيده === اللي فرض حجـــــــه وللـــــــبيت طواف
ياعبيد لوسويت ليه قصيــده === نبغى ثلاث ابــــــيات ياعــــــبيد باالقـــاف
ونبغى نغني في مثايل جديده === وندركـ رموز الشــــــــعر مع كل الاطراف
وعليك باالتقوى تراها حميده === وامسكـ عـــــمود الدين من شأن ماتخاف
والحرمثلكـ يلتزم باالعقيـده === والرزق عند اللي خــــــــلق خلق واصناف
ولا تغركـ الدنيا تراها زهيده === كم فرقت ياعـــــــبيد من ناس وأســـلاف
واللي زرع زرعاً يترجا حصيده === حتى ولو زرعه على هطل الأصيـــاف

تقبلوا تحياتي
الشاعر / ابومحمد

==========

رد على عاشق الصحراء

يابومحــــــــــمد لك معاني فـــريده=== لو ما اتفقنا برايها ماشي خــــــــلاف
تلقى الجواهر في البحــــــور البعيده=== والبحر يغرق من سبح دون مجداف
لو طاري الامطار خضــــــــــر جريده=== كان السنابل ما شكت سبع وعجاف
لكن تمنى واطـــــــلب اللي تريده === ومن الشعر وابداعه اوصاف واوصاف
تاتيك من خاطر حباله جــــــــويده === مادام هي وقفه وتحتــــــــــاج ميقاف
والرزق في صفــــــحة كتاباً مجيده=== بامر الله المـــــــــــعبود نوناً بعد كاف
وحنا بخير بظل دوله رشيــــــــده=== ولو ينقص الميــــــــــــزان لابد ما ياف
وفي الوقت من شرواك يحسب عضيده===تزيد هقواته على الماضي اضــعاف

وتقبلوا تحياتي
الشاعر / عبيد السميري

صح لسانك اخوي عاشق الصحراء وخوي عبيد السميري
يعطيكم العافيه على القصائد الرائعه

لكن تمنى واطـــــــلب اللي تريده === ومن الشعر وابداعه اوصاف واوصاف
تاتيك من خاطر حباله جــــــــويده === مادام هي وقفه وتحتــــــــــاج ميقاف


صح لسان الشاعر الكبير ابو / محمد على القصيدة الرائعة وصح لسانك اخي الشاعر/ عبيد السميري
الى المساجله الشعرية الراقيه والرائعه
ونتطلع الى جديدكم القادم
ودمتم

الله يعطيكم العافية جميعاً

مساجلة شعرية رائعة جداً

وتستحق التثبيت

صح لسان الشاعرين
( عاشق الصحراء ) و ( عبيد السميري )
إبداع وتميز
يعطيكم العافية

تسلم أبو محمد قصيده رائعه
يعطيك العافيه.............

صح لسان الشاعر الكبيرابومحمد(عائض حمدان السميري )والشاعر (عبيد عليثه السميري )على ابداعهم
في القصائد التي كادت ان تكون محاوره مستمره بينهم وتمنينى ذلك
وصح لسانكم ولاهان منطوقكم وبيض الله وجهكم
ونحنو نطمع في المزيد من قصائدكم الراقيه
تقبلو تحياتي واحترامي

سلمت أناملك

على الجهود المبذوله

راقية ومميزة في مواضيعك

صح لسانك ومشكور

يعطيكم العافيه جميعا

صــــحــو لسااااااااااااااااااانكم

صح لسان الشاعر الكبيرابومحمد(عائض حمدان السميري )والشاعرالكبير (عبيد عليثه السميري )على ابداعهم