يالله تغفـر لــي ولا تبـلانـي واجعلني أبيض قلب صافي نيـه


وتعيني فـي الماقـف الانسانـي وتصلح لنا فـي المـال والذريـه


أنت اكفني عن عثرة الصدقانـي وكلمة قريب(ن) توجع النفسيـه


وازهل علـي مواجهـه عدوانـي روس العـدى كرامـة الجنبيـه


دايم لساني في اللـزوم حصانـي خيره وشـره كـل أبوهـا ليـه


اسخـره فـي خدمـة الأوطانـي وفـي مجـال الدعـوه الدينيـه


ومن دون حكام البلد لـه شانـي ومن دون ربعـي وقفتـه مثنيـه


مـرات ياخذنـي علـى خلانـي الحـب وزن الشعـر والقافييـه


عنـدي يسـاوي قلـة اليابانـي وما عده العسـاف فـي الماليـه


ياكـم وياكـم شايبـي وصانـي كم مرت(ن) يظهرلـي المخفيـه


قـال العـرب كلامهـا مجـانـي وأفعالهـا بالفـلـس والربـيـه


أشهـد أنـه شايـب(ن) ربانـي ياجعلنـي فـدوة تـراب احذيـه


سلام ياتاج(ن) علـى التيجانـي علـى جبـاه(ن) طيبـه واتقيـه


عمي وعم(ن) من علـى عمانـي وأبوي لو الأسما مهـي مسميـه


مـع**ي ومـع** الشيخانـي واسمع سوالف روحي المشقيـه


كبرت جاهي واكثـرو ضيفانـي وقالوا علـي الربـع والعانييـه


وخسارتـي تدبـلـت واقـذانـي وفقري يقـل الحيـل فـي يديـه


قالوا عطـاه الـدر والمرجانـي وقالوا هباله قصر فـي الشرقيـه


وقالوا رصيدي يبري الوجعانـي وأنا علـى سيـارت(ن) كوريـه


هي والشبح وكيلهـا الوعلانـي سبحان من فرق أخ(ن) عن خييه


قل للمحيسـن ينجـز القحطانـي يصرف مايبني له العشره الزوجيه


يعطيني الياقلت وامـا أعطانـي أظهرت دمعـة عينـي المخفيـه


لي جيت أبعايـد علـى شيبانـي حنيت نفسـي مـن خـلا كفيـه


فقيـر ويعايـد علـى فقـرانـي أمحق فقر وامحـق بعـد عيديـه


ياسعود ماشين موتـة الوحدانـي وان مـات لا هـذي ولا هـذيـه


من حر قيض الأرض في الصماني يمشي الجمل بالطاقـه الشمسيـه





مما راق لي

ربي يعطيك العافيه على هذه القصيده الرااائعه
نتمنى المزيد من جديدك
تحياتي لك

مشكووووررر الله يعطيك الف عافية

يعطيك العافية على المرور
ابولمياء
عاشق الزعيم

نقل رائع ... يعطيك العافية
أخي
( هبوب الشمال )