كليب لوفي نيته موت جسـاس == ماكان مات الـــزير من قبــــل يومه
تكبر همومك كان حست بها الناس == وتلوم وقتــــك كيف وقتك تلومه
العز بيت وبيت من شعر واحســاس== فرقه بعيد ومـسكنه في نجــومه
الجوهره في السوق ما تخدم انفاس==صاحب تجـاره لو رفعها بسومه
وافتح بعدها قوس في داخل اقواس==واكتب بحر شاعر يتعبك عومـــه
بحر السواحل لو غرق فيه غطاس==اللي غرق في بحر شعري همومه
لو نلعن الشيطان ماعاش وسواس==مالج صــوت النائم بعـــــــــز نومه
اجل همومك قبل لايطـــــري نعاس==حكيم من تكفيه رمية هــــــــدومه
يعني خبر قصة هـــــدر دم جساس==زادت لنا في حبنا ابن العـــــمومه
جايز تكون من الحقيقة بلا ساس== او هي حقيقه من اســـــاس معدومه
عباس لو ورث له ابوه فـــرناس== قبل جنـــاح الطيــــــــر ماسر حومه
مصيبته في العرق والعرق دســاس==يحــــسب جميع دروبها تصل رومه
فكره سرى به يضرب أخماس وأسداس==ماصاحب الواقع وصدق حلومه
كل الحناجــــــرصوتها حر قرنـــاس== ماودها جـــــــاهل ورث كبر زومه
والدهر لو تفــــــرح يردك بهوجاس==مشـــاعره برد وهــــــواها سمومه
بعض البشر يغرق من الجهل في كاس== ولا الحكيم يشاورونه خصــومه

تقبلوا تحياتي
الشاعر /عبيد السميري

تكبر همومك كان حست بها الناس == وتلوم وقتــــك كيف وقتك تلومه


بعض البشر يغرق من الجهل في كاس== ولا الحكيم يشاورونه خصــومه

متاَلق اخوي الشاعرعبيد يعطيك العافية

صح لسانك اخي عبيد السميري على هذه القصيده الرائعه مبدع في قصائدك الجميله
اعجبني البيت الي يقول
جايز تكون من الحقيقة بلا ساس== او هي حقيقه من اســـــاس معدومه
عباس لو ورث له ابوه فـــرناس== قبل جنـــاح الطيــــــــر ماسر حومه

قصيده مميزه من شاعر مميز
وفقك الله

شاعر رائع ومبدع في انتقاء المواضيع المميزه وصيغتها لنا في ابيات جميله كجمال كاتبها ( صح لسانك اخوي عبيد واتمنا لك التوفيق ) تقبل مروري

الشاعر عبيد السميري
دمت متالقا كما عهدناك شاعر يصنع ابيات الشعر ويخرجها لنا فى صوره رائعه
صح لسانك شاعرنا المميز والمبدع
القصيده كلها رائعه واعجبني هذا البيت :
بعض البشر يغرق من الجهل في كاس== ولا الحكيم يشاورونه خصــومه
وتقبل تحياتي

اجل همومك قبل لايطـــــري نعاس==حكيم من تكفيه رمية هــــــــدومه



ماشاء الله تبارك الله

صح لسانك على القصيدة الرائعة جداً

قصيده مميزه ورائعه
شكرا لك شاعرنا عبيد السميري

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~