يقال ان اعذب الشعر اكذبه
واقول ( ان اعذب الشعر ابلغه )
ما عليك سوى الابحار في خضم
هذه الابيات ولك الحكم

(( بر و بحر ر ين ))

على مفرق لو انه احــــرق خطا رجليه الثنتين === مشى ما غيــــــــر بدربه تبقت نفـــــس هقواته

فقد في يومه الاول كســــــب في يومها يومين === فرح فرحه جـــرح جرحه بآآآهه آآآه آآهآته

تآجل بعد ما جــــاء دينه الاول وراح بدين === بمآساته يمســــــح دمــــــــــــع مآسآته بمآساته

بعد بر النهايه بحـــر بر ( وبر للبحرين ) === مســــــــافة بحره وبره مســــــــــــــافة بر موجاته

وخيره لو تبين فيه شر الشــــــــر به خيرين === يدون كل واحد ضمن صفحه في سجـــــــلاته

سهر في عين ليله نام ليله واسهره في عين === وسهر في عين نومه نومته في عين سهراته

تعدا الدرب والدرب ابتــــــــــدا بنهايته دربين === احد يصـــــــل النهايه قبل يـــبدا في بداياته

بديت بدور يلعب دور من يلعب على الدورين === بدورآ فات ميعاده ودورآ موعـــــــــــــده فاته

كذا ولا كذا ولا كـــــــــــــذا من وين ولا وين === لعبت بحرف ريح حرف واتعب حـــرف راحاته


اخوكم :عبيد السميري
شاعر ملوك العقيده

صح لسانك شاعرنا المبدع والرائع عبيد السميري
تحياتي

قصيده رائعه وعذبه كعذوبة الشاعر عبيد السميري
شكرا لك على القصائد المتميزه

يعطيك العافية اخوي عبيد على هذي القصيدة

صــــــ( لسانك )ـــــــح

صح لسانك على هذه القصيده الرائعه شاعرنا عبيدالسميري
وننتظر منك المزيد من القصائد
تحياتي لك

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~