عبدالمعطي بن صبيح الحبيشي ....



وا كبدي اللي كل مطعومها أمـرار== راحت رواة العود والعظـم جـاوي
معها هواجس واجدة ما لها احكـار == وهاجوس خلى مفرق الرأس خاوي
وأنا بصير وحايـرة فـي الأفكـار== عند الربايـع مـا بقلبـي منـاوي
أشوف من يدرق وتحفر لـه ابيـار== ويدز فـي الغيـات واليـاه هـاوي
وأشوف متربع على الدرب غـدار == سمه مشاريب العسـل والحـلاوي
ويحط في جنـب الحـلاوة دويـدار == ترعى القلوب الداشـرة بالمطـاوي
وترى عدام الرأي من كثر الأشوار == اليـا بـلاك الله بواحـد عـتـاوي
إن قلت هذا الرأي قال صك وإنكـار == وإن قلت فيك الرأي والياه غـاوي
ثم أعتكر ما بيـن خفـه والأنظـار == الذيـب يأكـل والمناظـر منـاوي
وإن جيت ابتبع قالته وأوقـد النـار == عـوّد علـىّ بمعميـات المضـاوي
اللي نذلنـي بيـن عقيـل وصغـار == ويقول كبـه عنـك هـذا عمـاوي
اطري عليه إلين حبـل الفلـك دار == وتقارطـوه مورديـن الـدعـاوي
وصكوا عليه الباب في بطن الأسوار == وقفوا هل الزرقات ثـولاً خصـاوي
ويقول وا وجدي على سائـر سـار == وين الصعول ومعطبيـن الأهـاوي
اللي مشى في علم من غير منـدار == اخّيه لو يسمـع علـوم الحكـاوي
وا حيرتي لا وعذابـي مـن العـار == واشيب عيني من كبـار البـلاوي
لا حوجت يلقى عن الظلـم مدحـار == لو بالحديد اللـي جضيعـه يعـاوي
الصقر يزبن في مزابيـن الأوكـار == والدجن لو نشيته يجيـك ضـاوي
لكن أنهمه بدري ليـا جـاك مـرار == قبل يخلي فيـك مصـرف سنـاوي
هذا كلامي واعرضه عند الأحـرار == ينقِدونـه موقـديـن الضـحـاوي
واختم كلامي بالنبي زيـن الأنـوار == اللي على التقوى سريـع المقامـي
وصلوا عليه إعداد هـلال الأمطـار == وإعـداد منهـو يدعـى بالأمامـي

مبدع اخي ابو زيد ومشاركه في قمم الروعه

صح لسان كاتبها وتسلم يمين ناقلها

ننتظر الجديد والمفيد

يعطيك الف عافيه على هذا الابداع واشكرك على هذه القصيده الاكثر من راااااائع

شكراً لك وصح لسانك ولسان الشاعر