|
مشاهدة النسخة كاملة : لغزالتفكير فيه عميق عاشق الصحراء 10-12-2010, 07:31 PM السلام عليكم ورحمة الله وبركاته الليله امسيت يااهل القيل باغي اسأل سليمان عن شئ ماهوش مايعرف انثاه من ذكرها تلقاه بالموقع اللي ماتحوم فيه حيان وليانزل من محله مهلته ربي قصرها ابوحسان 10-12-2010, 07:52 PM عندي رمعة السمك همس الغروب 10-12-2010, 07:57 PM اتوقع نفس حل الاخ ابو حسان السمكة تققديري لك عاشق الصحراء 10-12-2010, 08:53 PM لالاماهي السمكه والسمك يحوم حوله حيان عاشق الصحراء 10-12-2010, 08:55 PM ابو حسان حاول تفكر بعيد حتى تحله عاشق الصحراء 10-12-2010, 09:31 PM ابو حسان اسعدالله مساك وكيف حالك انشاءالله بنعمه حاول تحل اللغزترى مراميك زينه ابوحسان 10-12-2010, 10:23 PM النجوم والكواكب حولها ولا بعيد رحال 10-12-2010, 10:28 PM مساك الله بالخير عاشق الصحراء لغزك مره محيرني ولا لقيتله مرمى وعلشان كذا وش رأيك نضع جائزه عباره عن بطاقة شحن 50 ريال للي يتوصل للحل عاشق الصحراء 10-13-2010, 01:16 PM لالالا ماهي لاالنجوم ولا الكواكب عاشق الصحراء 10-13-2010, 01:18 PM اخوي رحال ماعندك اشكال نضع جائزه لمن يحل اللغز بطاقة شحن 50ريال ولكن يجب ان يحله كاملا رحال 10-13-2010, 02:54 PM هلا عاشق الصحراء افهم من كلامك أن اللغز يتكون من عدة أجزاء رحال 10-13-2010, 04:24 PM مساك الله بالخير أخوي عاشق الصحراء والله عندي رمعه بس مو عارف كيف أقولها لكن بأسألك سؤال هذا الشي يوجد في أنف الإنسان ؟ وتقبل تقديري لك... همس القلم 10-13-2010, 05:05 PM اخي رحال رائع مشاركاتك اللذي يجعل اعادة التفكير وتشغيل المخ مبدع دوما فننتظر القادم رحال 10-13-2010, 05:12 PM :rolleyes: وينك اخوي عاشق الصحراء والله اللغز حيرني ولا أرتاح إلا أرميه ويعطيك العافيه.......:confused: عاشق الصحراء 10-13-2010, 05:40 PM اخوي رحال عندي لك طريقه ومنها تستفيد وش رايك اعطيك الحل وانت تعطيني البطاقه اللي ب50 وبعدين انت تصرف باللغز تبيعه تسوي به اللي تبي اذا انت موافق رحال 10-13-2010, 07:28 PM ههههههههههههههههههههههههه أخوي عاشق الصحراء انا المهم عندي أصل للحل وانت مارديت على سؤالي.. يعني قربت ولا انا بعيد همس الغروب 10-13-2010, 08:01 PM "الحريشا" حشرة تخرج من انف الحيوان تقديري لك رحال 10-13-2010, 08:01 PM سلام أخوي عاشق الصحراء ابرمي اللغز وإذا طلع غلط ماعاد أحل الغاز تدري ليش لأن لي ثلاث أيام أفكر ولا وصلت لشي وش رأيك بالحشره البيضاءأو رماديه اللي تطلع من أنف الضأن أذا عطست هذه ماينعرف ذكرها من أنثاها ومتنازل عن البطاقه أذا رميت اللغز ولغز عميق أعمق من البير............ عاشق الصحراء 10-13-2010, 08:34 PM تبغى تنازل عن الجايزه اللي انت حاطها مااتفقنا كذا يارحال اخوي همس الغروب حلها قبلك وذكر اسمها رحال 10-13-2010, 08:41 PM والله يبشر همس الغروب 25 من عندي و25 من عندك عاشق الصحراء 10-13-2010, 08:43 PM ماعنك اشكال بس أسألك بالله انك يوم قلت نحط جايزه انك كنت تعرفه الجواب رحال 10-13-2010, 08:44 PM أخوي همس الغروب أرسلي على الخاص نوع البطاقه موبايلي &سوا ولا زين وتستاهل الجائزه رحال 10-13-2010, 08:46 PM الرجال عند وعودها ياأخوي عاشق الصحراء واللغز يستاهل الجائزه وبأنتظار جديدك لاعدمناك............ عاشق الصحراء 10-13-2010, 08:46 PM يارحال انا اسألك بالله اللي خلق الحريشا وخلق اللي سواها انك ترد على كلامي انت تعرف الجواب قبل تقول نحط جايزه رحال 10-13-2010, 08:49 PM أخوي عاشق الصحراء أقسم لك بالله أني معرفت الجواب إلا الليله ولا خليت أحد من الشيبان عندنا إلا سألته ولكن محد يعرفه رحال 10-13-2010, 08:50 PM أعجبني اللغز وحيرني لذلك قلت نضع جائزه وأن شاء الله توصل همس الغروب بأذن الله عاشق الصحراء 10-13-2010, 08:53 PM طيب انت اللي حط جايزه لكن 25عندي و25عندك اوكي ويستاهل همس الغروب الجايزه لكن بأذن الله يارحال اني لاجيب ذاك اللغز اللي مااحد قد سمع بمنضومته وانا اللي ابغى احط عليها جايزه وانشاء الله الجايزه ماتقل عن 500 رحال 10-13-2010, 09:02 PM أنتظرك ياعاصــــــــــــــــــــــــــــــــــــفة المنتدى عاشق الصحراء 10-13-2010, 09:10 PM اقولــــــــــــــــــــــــــك اخــــــــــــــــــوي كــــــــــــــــيف تبغانا نوصل الجـــــــــــــــــــايزه لاخونا همس الغروب رحال 10-13-2010, 09:13 PM قطه النص بالنص ههههههههههههههههههههههههههههههههههههههههههههههههه همس الغروب 10-13-2010, 09:14 PM اخي عاشق الصحراء واخي رحال جزاكم الله خير اعتبرو الجائزة وصلت وانا ماابي منكم شي بس الله بالالغاز الزينه اللي تخلي الواحد يشغل مخة اختكم همس عاشق الصحراء 10-13-2010, 09:15 PM لاوالله يأم تركي غير تجيك الجايزه وأنا اخوك رحال 10-13-2010, 09:29 PM أختي همس الغروب الجائزه من حقك ونبقى منك لغز مقابل تنازلك عن الجائزه ويعطيك العافيه حفظك الله همس الغروب 10-13-2010, 09:38 PM ابشررررووووووا رحال 10-14-2010, 01:07 AM الله يبشرك بالجنه في انتظار جديدك احلى غزاله 10-20-2010, 07:15 AM والله حمستونا يالله هاتو اللغز منتظرررررررررررررررة ويعطيك العافية اخوى الشاهين 10-30-2010, 07:57 PM يعطيك الف عافيه صـمتي عہتآإب 10-30-2010, 08:30 PM ههههههههههههه/ تحمست كنت اعـرف الآجـآبه بس سبقونـي فيهـآ>> بكآشه السـآلفه فيهـآ, بطآقـه بس رآحت علينآ .. ربـي يعطيكـم الع ــآفيـه ... تحيــآتـي .. |