انشدك عن عوداًفرش في عارضه
فوق المناهي مايخاف من العداه
عشره يديه وكلهــن في شـــاربـــه
والكل منهن ماسكه نص العصاه

اعتقد أنه من النباتات البريه

اعتقد أنه الفخ

المحاله فى البئر

شكرا على مروركم الطيب والاجابات كلها خاطاءه

قولوا يالله الثبات لغزنا باقي محله
لاهو فخ ولا محاله ولاهو شي من النبات
مير شوفوا حل غيره راح وقته والرواسي باقيات
من مرخ لنهيش ماشفنا حلله
غير نقطة حسب ظني بالسنين الماضيات

المسواك والله اعلم

اللغزماحله المسواك
ولاهو بشكله ولالونه
انظروفكر بهذاوذاك
عشره اياديه مركونه
ولوكان حققت في مرماك
ماتطيح رميتك من دونه
لاشك فكر بعيد هناك
ودور شيابٍ يعرفونه
وبعطيك كلمه تبين ذاك
كان العذاراء يسوونه

السدو الله اعلم

بيت الشعر
والله أعلم

الشداد اللي يوضع على البعبير

شكرا لكم على الاجابات وللاسف كلها خاطـأه؟

اتوقع انه الرسن

الـمـحـراث

شكرا لكم جميعا الاجابات خطاء حاولوا مرة اخرى

ردي على الهواوى
اقول :
بيت الشعر والسدو واللي حواليه
- - - - ماهن بحل اللغز يأهل المثــيله
عزالله إنه واضحا يوم احليه
- - - - ولاني سوات اللي مضيع دليله
هذا كلام من النميري مسويه
- - - - لاهل المعاني والوفاءوالصميله
الشعر ماتصعب عليه معانيه
- - - - لاجيت افكر بالبيوت الجــزيله
وسلامتكم

ردي على الاستاذ/ ابو حسان
اقول هالابيات :
ياقايل المحراث مانته حواليه
أرعك بعيدأ عنه بعد الثرياء
خلك حويل اللي تشيد رواسيه
لو شد من هذا ينزل هنيا
وأسمع كلام اللي يعرفه ويرويه
الجسم راح وباقي الاسم حيا
لوقلت واضح بس ماودي اسميه
وعوايد الدنيا تقلب كذيا
وشكرا لك

(الرحى ) الله اعلم

اعتقد الفراش من حصير سابقا

الاجابات كلها خطاء
ونشكر لكم محاولاتكم

للغز هذا صعب محدآ يحــله === خله يضلي للجـــــــــــماعه مكيده
نبغاه يبقى مرسيآ في محــله === مثل البحــــــور اللي مداها بعيده
بغيت أوضح بس محدآ فطنله === وكلآ مضيع صــــادره من وريده
وإن شفت ابو حســـــان بالله قله === قله يفكر في معاني جــــديده
ولا يرافق الي رميته عند ظله === ينظر ويدرك في مرامي سديده

ودمتم

تسلم يا اخي عاشق الصحراء على الابيات الرائعه

وان شاء الله نحله

الرواق
والله أعلم

الفدامه يضعونها للجمل

اللزقة يضعونها للحوار

يا ابو محمد يسلم عليك مسلم بن مطلق الايدامي ويقول اللغز حله الحوض والحنو

الاجابه صح وشاكرين لك ولمن حله واخذك بالوصيه وبلغ سلامنا لمسلم