قصيده أعجبتني فاحببت أن انقلها لكم

قبل الفطور الدين يملا القنوات
وبعد الفطور تروح دنيا بلا دين
ياناس خافوا ربكم فالسموات
الارض زدْتوها على طينها طين
الصايم يحاول بشتى الوسيلات
مايجْرح صيامه بشوف المصابين
وانتوا تحشْدون الجيوش المعبْاة
اللي تهاجم مع اذان المواذين
مسلسلاتٍ هابطه واستماتات
في غرْبلة لحظة فطور المساكين
مهازلٍ تبْنى على ضحْك ونْكات
وممثلينٍ مثل طقم المواعين
مايضهرون الا شهور العبادات
وباقي السنين تْقول ماهمب حيين
متولّجين اهل اللحى والصلوات
واهل اللحى من مهْزلتهم بريين
نشوفهم في مجتمعنا قداوات
ويشوفهم راع المسلسل غبيين
وممثلاتٍ مايلاتٍ مميلات
يالله دخيلك مالبنات المولّين
باعت مذاهبها ببعض الريالات
او يمكن انباعت ببعض الملايين
حتى ايش لو ركْبت علاخر موديلات
من يوم ملّت من ركوب البعارين
رزق الشريطيّه على فُطْحة الشاة
والشاة تاليها على حد سكْين
مثل السْلَق على ضهور الونيتات
يوم الحباري ورّكت للشياهين
خلّوا عوايدنا عوايد خواجات
والغوا تقاليد العرب والمْسلْمين
باسبابهم مابين حاقد وشمّات
صرنا حديث الناس بين الدواويين
لابارك الله في عبيد الملذْات
اللي تولّتْهم عبيد الشياطين


مما راق لي

يعطيك الف عافيه اخي

الهواااااااااااااااااااااااااااوي

الله يجزاك خير وصح لسانك

سلمت أناملك

جهود رائعة

حضور مميز

ننتظر القادم

صقر المملكه
العلاطي
الموج الهادئ

أشكر لكم مروركم
و
أسعدتني ردودكم

تسلم اخوي الهواوي الله يعطيك العافية

الله يعافيك أخي هبوب الشمال

أسعدني مرورك