[

بسم الله الرحمن الرحيم

السلام عليكم ورحمة الله وبركاته

اعجبتني هذه القصيدة واتمنى ان تحوز على استحسانكم

دارا توريــــــــــــك المهــــونه بلياه === شــــمس الخيار ولا ظلال فريضة
ان ضــاق درب فيك وشلك بممشاه === غير طــــريقك والفيافي عريـــضة
الحرلامن أبـــــرق الريــــــش وازاه === خلا الديار وعـاف عشه وبيــضه
مادام رزق العـــــبد بيدين مــــولاه === وش حاجته لاهل النفوس المريضة
اللي زعل من خاطـــــره لاترضاه === لاصار ماســـــويت شي يغيـــــــــظه
والعفن لاتنــــــدم على شان فرقاه === تراالــــردي فرقاه ماهي غميــــضة
عين تريح مـــــــوقها من حـــــلاياه === لو هـــو من الأدنين عينا حظيظه
والعوشـــــزه لو ســــكة الدرب تاطاه === في ظلـها ما للطروش تغـميـــضة
طلعه ضريع وعــــــودها ما تعصاه === لو هي على ضــفة غديــر بفيـــضه
والناس كل يجذبه ســــــاس مجناه === مثل الشــجر لو هو تجدد بريـــــضه
أحــــــد ليا زلت بك الرجــــل تلقاه === حبل النــجاة اللي بتـــوته غليـــــــظة
واحـــــد ليا بان الخلل فيك يرفاه === عزك يعـــــزه وانكســـارك يهيــــضه
واحد بـــساعات الرخا جاه ووجاه === لاشك وقت الضيق مافـــيه عيـــضة
مثل الغدير اللي حـــفظ ماه بشتاه === واهلك وروده في لواهيـــــب قيـــضه
واحـــــــد على الادنين مابه محاماه === بالك تغـــــرك سكبـــته وتعريــــضه
مثل السراب وخاســــر من ترجاه === لامرضي عين ولاهــــــو مغــيـــظـــه

منقول لشاعر يوسف الجارالله المزيني

يعطيك العافيه اخي المبدع

استمر في طرح المواضيع المميزه

يعطيك العافيه على هذه القصيدة الجميلة وصح لسان الشاعر الكبير يوسف الجارالله المزيني
قصيدة رائعه جداً وفيها المعاني والكلمات الجميلة
سلمت يداك اخي المبدع على هذا النقل
وننتظر الجديد منك

مادام رزق العـــــبد بيدين مــــولاه === وش حاجته لاهل النفوس المريضة
اللي زعل من خاطـــــره لاترضاه === لاصار ماســـــويت شي يغيـــــــــظه

صح لسان الشاعريوسف الجارالله ويعطيك العافية اخي المبدع

كالعادة ابداع رائع

وطرح يستحق المتابعة

شكراً لك

بانتظار الجديد القادم

دمت بكل خير