اضحك وفل حجاجك اشفيك محزون دنياك ماتسوى وخذها نصيحه

مادام مالك ميت ولا انت مديون ارم الهموم وخل نفسك مريحه

لوكانوا اصحابك يضاهون مليون نف الكفو وخل السطيحه

ولاتشتكي لناس لوكنت مطعون والذم من بعض الخلايق مديحه

ولاتنحني للهم وتعيش مغبون ترى المريح اهل العقول الصحيحه

لاصرت صادق قالو الناس مجنون مايمدحون الا النفوس القبيحه

وخلك صمود بوجه الايام وموزون وما حرم الله اثم لا تستبيحه

والكبر لوبه فايده فاد فرعون ومن ذاع سره بشره بالفضيحه

والله لويعطون لك مال قارون ماشفت نفسك بالغنى مستريحه

انفض هموم القلب وابليس ملعون وان ضاق صدرك ارض ربي فسيحه

الله يعطيك العافية يااسيرالحنان على الأبيات الرائعة تقبل مروري

يعطيك العافيه اسير الحنان

ابيات جميله
شكرا لك

انفض هموم القلب وابليس ملعون وان ضاق صدرك ارض ربي فسيحه
رائع اسيرالحنان

اشـــــكـــــركـــــم عــــلــــى الاطـــــلاع

شكرا لك من الاعماق
لقد ابدعت من فيضك اجمل الكلمات
واثريت صفحتك باجمل العبارات
ونزفت من قلمك اعذب وارق الكلمات
فسلمت يمناك على هذا الابداع
ننتظر جديدك