منتدى قبيلة السمره من جهينة الرسمي

رغم الذي قد صار واللي يبي يصير
رغم الجحود ورغم كل الذي صار

كلي على كلي يَبي منك تفسير
وشلون بيدك تحرق القلب بالنار

منك الخيانه مالها اي تبرير
ازريت اقلبها علي حبل الافكار

غدرك لمسته ياالغلاَ وشفت تقصير
والجرح مايشفيه تبرير الاعذار

لو الجروح تفيد فيها المعاذير
ماكان شفتي طاغي الشوق محتار

اللي وصلنا منك فااق التفاكير
ليتك بقيتي مثل ماانتي باالانظار

ليتك ذكرتي طاغي الشوق باالخير
ليتك قريتي وش كتب لك من اشعار

تسرقني النسمه على تالي اعصير
فيها بقايامن وفاء حب منهار

ابلا شعور اطلق خطى الرجل وتسير
والقى معي شوقي على دربها سار

سالت على خدي دموعي محادير

من موق عيني حول الدمع نثار

في شوفها تنبت ورود ونواوير
وتزهر نواوير النفل بين الازهار

حبي لها حب البدو للمغاتير
وشوقى لها شوق العطاشا للاَمطار

في ذمتي تسوى جميع الغنادير
في قربها جنه وفي بعدها نار

اَقفت بها سود الليالي المدابير
وتقطعت من دونها كل الاخبار

طال المطال ودمر الحال تدمير
الله ياصرح الوفاء كيف تنهار

هاض الغرام وخافقي وده ا يطير
لج الحنايا وامنعه كل ماطار

لابـنج نافع به ولا فاد تخـدير
ياخاين العشره ترى الوقت دوار

مع السلامه سافري موفقه خير
دربك خضر وا للي مضى صارتذكار