|
ملوك الحميه
( ملوك الحميه )
حالة طواري تجبرك تعكس الســـــير ....حـــــاول تمهل عكـــس بالاولويه تنبيه واضــــح فيه لوحات تحـــــــذير .... حتى يمــــر الشعــر بالافضليه الله ولا غيــــــــره ولي التدابيــــر .... في الخلق لكن ولاية الشعــر ليه ياقف ولا من قلت له واصـــل يسير ....ماخالف امــري يوم عزمت نيه بحروف من شعري ترد الجماهير .... على الزعيــــــم اللي بدا بالتحيه ياخادم البييتين في وجهك الخــــير .... والشعـــــر جهز لك حروفه مطيه باصدق ملاحم حــولت كل اساطير .... كل العصـــــور الماضيه مســرحيه عظيمه الاشـــعار هبت مـــــــداوير ... (الفخر)(زي ملوك)من في البـــريه خــــذ راحـــــتك دربك بليا محاذير .... واول فناجــــيل الفخــــــر شاذليه اكتب بحكـــــامك وهــــز الطوابير .... وارفع بصــــــوتك جرها ســامريه مادام ابو متعب معك بالسماء طــــــير .... شاعر ملك بحروفك الابجديه ارقى سنود وباقي الشعـــــــر تعبيــر .... ما ياصلك وتـــــــرده الجاذبيه صوب اتجاه الارض نفس المشاوير .... وتلبس ثياب من الفخـــــر معنويه لجلك حملت المسك ماتنفخ الكيــــر .... المسك وصــفك في ملوك الحميه وعلى بحور الشعر نادوك يا امــــير .... وتستاهل اســـــمآ مايسمى ســـميه دارك سعوديه دلالك مباهــــــــير .... الشــــعب وافي والحكــــومه وفيه ومن الوفاء حاولت بالشعـــــــــــر .... تصويرمليكنا بحروفي الشاعـــريه حــــــقآ علي ورددي ياجماهــــير .... صوتى صدى لافراحك الجـــوهريه اخوكم : عبيد السميري شاعر ملوك العقيده |
رد: ملوك الحميه
سلمت شاعرنا الرائع والمتميز دائما فى انتقائك للكلمات والمعاني والمناسبات
وبيض الله وجهك وحقيقه اعجبتني هذه القصيده فى منتدي جهينة للشاعر المحترم / احمد السناني تعودنا بهذا الصرح توجيه القصائد لبعضنا البعض من باب تنشيط القريحه وشحذ الهمم يشرفني ان اوجه هذه القصيده الى اخي الشاعر عبيد السميري(شاعرملوك العقيده) سـلام ياشاعـر ملـوك العقيـده ..... اعداد ماصفت جمـوع المصليـن اعـوام تربطنـا علاقـه وطيـده ..... من طيبها دامت على العسرواليـن بعده نبي نبحـث مواقـف عديـده ..... مع حر مثلـك نكتفـي بالعناويـن وجهة نظر شرواك عندي سديـده ..... والحرف له ضمه وفتحه وتنويـن احداث من واقـع توالـت وكيـده ..... ثورات تنشـا والضحايـا ملاييـن في كل يوم نشوف ثـوره جديـده ..... شقرة عصا مابين ضـد ومواليـن وموحد الاحـزاب يعلـن وعيـده .... والفارسي غنى طرب ليـل ياعيـن تهيـأت فرصـه ثمينـه وحـيـده .... فرصه ثمينه منتظرها مـن سنيـن المنتظـر منهـا وصـل مايريـده .... نالت مكاسبها واشنطـن وبرليـن الوقت يمضي والمواقـف شهيـده .... باحدعش ديسمبر وفي حرب تشرين ياعبيد وش نجني ووش نستفيـده ..... لاصار ذابـل ورد هـا بالبساتيـن الدم فايـر محتبـس فـي وريـده ..... من غيبت الحنكه وفعـل المعاديـن والعرف وهبه للعقـول الرشيـده ..... والعزم والنخوه صفـات العريبيـن السالفـه ياعبيـد جملـه مفيـده ..... واهم كلمه حطهـا بيـن قوسيـن صحوه وتحيا امجاد لامـه تليـده ..... والجيم رمز وله مكانـه كمالسيـن بالصبـر كـل شموخنـا نستعيـده .... تشهد لنا الخندق وموته وحطيـن ولابد من فرصـه تجينـا سعيـده ..... وطبع الفرص تأتي ولومن بعد حين واصدق تحياتـي ختـام القصيـده ..... حشمه قدر ياعبيد حسب القوانيـن تقبلوا اصدق التحايا من اخوكم/ابوبدر |
رد: ملوك الحميه
صح لسانك شاعرنا الكبير والرائع عبيد السميري
ورفع الله قدرك |
رد: ملوك الحميه
شاعر كبير كما عوتنا دائمآ
|
رد: ملوك الحميه
صح لسانك ... شاعر مبدع |
رد: ملوك الحميه
صح لسانك على القصيدة الرائعة
|
| الساعة الآن 02:16 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w