|
محاوره شعريه
هذه محاوره بيني وبين الشاعر صالح المطيري وهو أحد زملاء العمل تعارفنا في أحد الدورات في قاعدة الطائف وهذه المحاوره تمت عن طريق الجوال قبل يومين والبدايه مني سلام الله سلام إسلام منصاه لولد عبــــــــــــاد *** عدد مالاح براق الحياء والناس فرحوبه أنا رجلي على أهل الطيب وأهل المعرفه تنقاد *** ولاأمشي مع عباد الله والنيات مقلوبــــه الرد : هلا يامرحبا بالصاحب اللي للوفاء معتاد *** يسوقون العرب فنجال دله زان مشروبه ليا مني ذكرته قلت ياليت الزمن ينعـــــاد *** سوالف دلة الرسلان والنيران مشبوبــه قلت : يدوم لك البقاء مليون بالمصدار والميراد *** وانا ماني بمحرم وأنت ماانت معلن التوبه ترى ما احداً بعايش حي بالدنيا بليــــا زاد *** وصلك العلم ولا نكتب الحرفين منصوبــــه الرد : أنا ماني بخابر شيء واعرف هرجة الصياد *** يدور للنشب والناس ماتعطيه مطلوبـــــــــــه ليا منك شربت الدله وقفيتها البـــــــــــــــراد *** معك علم الصور من شاشة التلفاز محجوبه قلت : أنا ماني بكاشف سر علياء مع ولد شداد *** ولكن الضروره باحت المحظور لو نوبه زمنا كل شيئا تنقله تلقى عليه جهــــــــاد *** وحملك لا تشيله والعباد أنظارها صوبـه |
رد: محاوره شعريه
محاورة رائعة وراقية
تسلم شاعرنا الرائع ابو سلطان وبالتوفيق |
رد: محاوره شعريه
شعراء مبدعين في كل مجالات الشعر مانستغرب منكم الجزاله
وصح لسانك شاعرنا الكبير ابوسلطان وصح لسان الشاعر صالح المطيري على هذه المحاوره المميزه والقويه وشعر القلطه مرغوب لدى الجميع وله جمهور كبير يتابعه في كل مكان سلام الله سلام إسلام منصاه لولد عبــــــــــــاد *** عدد مالاح براق الحياء والناس فرحوبه أنا رجلي على أهل الطيب وأهل المعرفه تنقاد *** ولاأمشي مع عباد الله والنيات مقلوبــــه لانه شاعر متمكن وشهادتي فيه مجروحه محاوره رائعه ومميزه نتمنى من شاعرنا ابوسلطان الاستمرار في ابداعاته وان لايحرمنا من جديده اخي ابوسلطان وفقك الله وننتظر جديدك وتقبل تحياتي |
رد: محاوره شعريه
محاوره قويه ورائعه صح لسان الشاعرين
|
رد: محاوره شعريه
صح لسانك محاورة رائعة
|
رد: محاوره شعريه
مروركم أسعدني لكم مني جزيل الشكر الشخص دون أحباب طيراً بلا ريش *** يبغى يتعلى لكن خانه جناحـــه وأنا بلياكم حيـــــــــــــاتي على ويش*** من دونكم جندي مضيع سلاحه |
رد: محاوره شعريه
مشكور يا ابوسلطان على هذه المحاورة
|
| الساعة الآن 02:12 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w