متعليآ بالجدي قبل المواعيد
=ومن فوق يكفيني على الارض طله


هناك عندي صافيات الموارديد
=وباقي تدابير الخلايق على الله


والشعر قلنا فيه ونزيد ونعيد
=نفتل وننقض فيه لا زان حله
وان جاتنا شرهات ربعآ صناديد
=نطيع ويموت المنافق بغله


اكيد ماهي علوم تحتاج تاكيد
=سيفك ليا احتجته شجاعه تسله


هاضت حروفي والمعاني شواريد
=وغزيت معنى الشعر كثره وقله


واخذت اميز في معانيه واعيد
=واقول يمكن يا عساه ولعله


كان الجليله مهرها يطفي الكيد
=يرجع مهرها ( كامل الفقد ) كله


والغيد ياتي بعدها غيرها غيد
=لكن شعرها بعد ذا لا تفله


والحمد لله يوم علياء بلا وليد
=من خوف بكره دمعها لا تهله


شرط العقود موثق وفيه تسديد
=واقل غلطه تلت الحبل تله


وليا اتجاهه حدر صوب الاخاديد
=عله بداياته وتاليه عله


من شانها طعم العنب بالعناقيد=حامض قبل بعض الخلايق يصله


وتال الزمن لو يحكمون المواليد
=يومين والثالث بحكمه توله


ويعود الفارس على قمة لديد
=وما فات راح وينكتب بالمجله



ويبقى الامل بالنفس في حال تجديد=والطيب دوله وحدها مستقله 



المشاركة الأصلية كتبت بواسطة * الـغـدوفـ * (المشاركة 72009) عند تقابل غيمتان ينتج المطر هكذا الحال عندما التقى عملاقان من عمالقة الحرفـ القديران / عبيد السميري & سالم السناني نثر الجمال وحصيلة من ابداع اللغه رغم قوة ماتحويه القصيدة من معاني فقد حملت اخلاق راقيه ومبادئ رائعه يعطيكـ الف عافيه شاعرنا المميز دمت بخير