هذه الابيات تعتبر منعطف بمشواري الشعري واتمنى التوفيق للجميع


دنياك لا من جيت فيها تأمل= لسان حال الوقت فيها يقلك

لو تعتبر نفسك بها الكل بالكل =غلطة بعضك تحملك ذنب كلك

من دون دعوه جيت تجلس بلا زل =وانت قبل تاتي امير بمحلك

مجلاس شمس العز لك خير من ظل =لو مال صوبك شمسه اللي تصلك

تعطش لو ان المزن بحضورك يهل =وصوتك صداه برجعته ما يدلك

شفت الحسد يبدأ شراره وتشعل =وتشب نار وكل فكرك تملك

واول سؤال يمر بك يا ترى هل؟ =وليت ولعل وبالنهايه لعلك

تعلم يقين ان المشاكل لها حل = وشاور قبل تبدا مراسيم حلك

مجلاس شمس العز لك خير من ظل لـو مـال صوبـك شمسـه اللـي تصـلـك
صح السانك اخوي عبيد قصيدة رائعه جدً