الاماني
الا واوجودي وجد عوداً بليا عيال = يحده زمانه والقرايب بعيديني وساسه جويد ولا تمنا عصاه المال = وسود الليالي مع ظروفه معاويني عجوزه كفيفه جالسه كنها تمثال = وحتى الحروف تبدل السين بالشيني يقول إن لفيتك قلت بالخير كيف الحال = لقيتك مع ظروفي مريضه تونيني وانا يافلانه مثل شجره بليا ظلال = وهمومي ليا نام السهارى تسريني الوم الجمل بالدرب والعيب بالجمال = واشوف الحقيقه بس ماعاد يمديني على اللي غيابه سم حالي بدون جدال =خطيراً من غيابه توقف شراييني ليا غاب ليله في حسابي بعشر ليال = واقوم اتوجد واضرب يسار بيميني لو إنه على كيفي ولااخشى من العذال= ولااخشى كلام مفرقين المحبيني عباداً مهمتها مع الناس قيل وقال = اوادم ولكن بالفعايل شياطيني لا احطه على يمناي كنه مدير أعمال = ولا أقبل منه لوساعه يغيب عن عيني نجر الهواجس والهواجس عراض طوال = ونكتب ونمسح والنهايه عناويني وتفهم كلام الشاعر العالم العقال = ولا هو مكلف في عقول المجانيني وليا ضقت من دنياك عرج على الموال = وجر القوافي بين مسحوب وهجيني وإذا ماانت شاعر عد رجلك برجماً عال = وتذكر ترى عمر الفتى مجرد سنيني |
رد: الاماني
صح لسانك ابو سلطان على هذه القصيدة الرائعه
حقيقة قصيدة متميزه ربي يعطيك العافية |
رد: الاماني
عـبــاداً مهـمـتـهـا مــــع الــنــاس قــيــل وقــــال ==اوادم ولــــــكـــــــن بــالــفـــعـــايـــل شــيــاطـــيـــنـــي لا احطه علـى يمنـاي كنـه مــــــــــــــديـر أعمـال = ولا أقبـل منـه لوساعـه يغيـب عــن عيـنـي نجر الهواجـس والهواجــــــــــــــــــــس عـراض طـوال = ونــكــتـــب ونــمــســـح والــنــهــايــه عــنــاويــنــي وتـفــهــم كـــــلام الــشــاعــر الــعــالــم الــعــقــال = ولا هــــو مـكـلــف فــــي عــقــــــــــــــــــول المـجـانـيـنـي صح لسانك شاعرنا ربي يعطيك العافية |
رد: الاماني
يعطيك العافية ابوسلطان وصح السانك
|
رد: الاماني
اقتباس:
شكرا لك شاعرنا المتميز دائما ابو سلطان ونتطلع الى جديدك القادم تقبل وافر التقدير والاحترام |
رد: الاماني
القدير / ابو سلطان السميري معزوفة حزينه تتقاطر الم وعذوبة رغم ذلكـ رائعه تصل الى المشاعر بسهولة ويسر صدق الاحساس يميزها ورقة الاسلوب يعطيكـ الف عافيه من بخير |
رد: الاماني
صح لسانك ابو سلطان على هذه القصيدة الرائعه وكما نتمنا المزيد |
الساعة الآن 03:17 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w