فرش في عارضه
انشدك عن عوداًفرش في عارضه
فوق المناهي مايخاف من العداه عشره يديه وكلهــن في شـــاربـــه والكل منهن ماسكه نص العصاه |
رد: فرش في عارضه
اعتقد أنه من النباتات البريه
|
رد: فرش في عارضه
اعتقد أنه الفخ
|
رد: فرش في عارضه
المحاله فى البئر
|
رد: فرش في عارضه
شكرا على مروركم الطيب والاجابات كلها خاطاءه
|
رد: فرش في عارضه
قولوا يالله الثبات لغزنا باقي محله
لاهو فخ ولا محاله ولاهو شي من النبات مير شوفوا حل غيره راح وقته والرواسي باقيات من مرخ لنهيش ماشفنا حلله غير نقطة حسب ظني بالسنين الماضيات |
رد: فرش في عارضه
المسواك والله اعلم
|
رد: فرش في عارضه
اللغزماحله المسواك
ولاهو بشكله ولالونه انظروفكر بهذاوذاك عشره اياديه مركونه ولوكان حققت في مرماك ماتطيح رميتك من دونه لاشك فكر بعيد هناك ودور شيابٍ يعرفونه وبعطيك كلمه تبين ذاك كان العذاراء يسوونه |
رد: فرش في عارضه
السدو الله اعلم
|
رد: فرش في عارضه
بيت الشعر
والله أعلم |
رد: فرش في عارضه
الشداد اللي يوضع على البعبير
|
رد: فرش في عارضه
شكرا لكم على الاجابات وللاسف كلها خاطـأه؟
|
رد: فرش في عارضه
اتوقع انه الرسن
|
رد: فرش في عارضه
الـمـحـراث
|
رد: فرش في عارضه
شكرا لكم جميعا الاجابات خطاء حاولوا مرة اخرى
|
رد: فرش في عارضه
ردي على الهواوى
اقول : بيت الشعر والسدو واللي حواليه - - - - ماهن بحل اللغز يأهل المثــيله عزالله إنه واضحا يوم احليه - - - - ولاني سوات اللي مضيع دليله هذا كلام من النميري مسويه - - - - لاهل المعاني والوفاءوالصميله الشعر ماتصعب عليه معانيه - - - - لاجيت افكر بالبيوت الجــزيله وسلامتكم |
رد: فرش في عارضه
ردي على الاستاذ/ ابو حسان
اقول هالابيات : ياقايل المحراث مانته حواليه أرعك بعيدأ عنه بعد الثرياء خلك حويل اللي تشيد رواسيه لو شد من هذا ينزل هنيا وأسمع كلام اللي يعرفه ويرويه الجسم راح وباقي الاسم حيا لوقلت واضح بس ماودي اسميه وعوايد الدنيا تقلب كذيا وشكرا لك |
رد: فرش في عارضه
(الرحى ) الله اعلم
|
رد: فرش في عارضه
اعتقد الفراش من حصير سابقا
|
رد: فرش في عارضه
الاجابات كلها خطاء
ونشكر لكم محاولاتكم |
رد: فرش في عارضه
للغز هذا صعب محدآ يحــله === خله يضلي للجـــــــــــماعه مكيده
نبغاه يبقى مرسيآ في محــله === مثل البحــــــور اللي مداها بعيده بغيت أوضح بس محدآ فطنله === وكلآ مضيع صــــادره من وريده وإن شفت ابو حســـــان بالله قله === قله يفكر في معاني جــــديده ولا يرافق الي رميته عند ظله === ينظر ويدرك في مرامي سديده ودمتم |
رد: فرش في عارضه
تسلم يا اخي عاشق الصحراء على الابيات الرائعه
وان شاء الله نحله |
رد: فرش في عارضه
الرواق
والله أعلم |
رد: فرش في عارضه
الفدامه يضعونها للجمل
|
رد: فرش في عارضه
اللزقة يضعونها للحوار
|
رد: فرش في عارضه
يا ابو محمد يسلم عليك مسلم بن مطلق الايدامي ويقول اللغز حله الحوض والحنو
|
رد: فرش في عارضه
الاجابه صح وشاكرين لك ولمن حله واخذك بالوصيه وبلغ سلامنا لمسلم
|
الساعة الآن 08:02 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w