منتدى قبيلة السمره من جهينة الرسمي - شيلة سجــه مـع الهاجــوس الشاعر الكبير مبارك بن فايز السبيعي أداء هزاع المهلكي

شيلة سجــه مـع الهاجــوس

الشاعر الكبير مبارك بن فايز السبيعي

أداء هزاع المهلكي

سجــه مـع الهاجــوس طبيعـةٍ لـي

طبيـعـةٍ بامــوت مـاجـزت عـنـها

أشـكي على الخـلاق وأرفـع له أيـدي

لاكـثـرت الأفـكـار يـفــك مـنـهـا

أما الـكرم قـد فـازبـه حاتم الطـي

حـتى الفرس مـن شـان ضيفه طعنها

خلوني أكـرم فـي حـياتـي وأنا حـي

لا مـت مـدري جـثـتـي مـن دفـنـها

خـلـقـت فالدنيا وأنا مامعــي شــي

بـروح مـنـهـا مـامـعي شـي مـنـها

مـسكـين ياللـي تحسب الواجـد شـوي

العافـية لــو تنـشــرى وش ثمـنـها

ياجاهل الـدنيا تـراهـي كـما الـفـي

يامـخبـل اللـي فـي حـيـاته ومـنـها

ان نـاحـرتلك قـامـت تروح وتجـي

مـثـل الذلـول اللـي طـويـلٍ رسنـها

وأن دبـرت خـلتـك طـايـح ومـرمـي

كـم واحـدٍ لـه حـاجــةٍ ماضـمنـها

لابـد مـانرحـل عـن المـزح والغــي

نـسكــن بـيـوتٍ قـبلنـا مـن سكنـها

النفس مثل الغصن عايش على الـري

لـولاه كــل الناس عافـت وطـنـها

يالله عـسى الحسنات تقضي على السي

لاقـربـوا لـنفـس ذرعــة كـفنـهـا

https://www.youtube.com/watch?v=yPs09W_yosI

.