الشوق بين الأحبة
يا بارق(ن) يزهي الخيال براقه=تسمع ازيز الرعد مع لوحة بروقه لك يامزون الحيا مخلوق مشتاقه=فيه بدوي(ن) يخيلك واحترق شوقه يالله بامرك يسير وانت خلاقه=للديره الظامية ياخالقي سوقه ياليتني عارف(ن)صوبه ومطراقه=لروح يمه واخيله واتبع طروقه من قال بسم الله افلح ما انعثر ساقه=وانا توكلت والله ما اترك حقوقه واللي ترك واجبه رجليه منعاقه=لامن مشى الدرب كل معارض يعوقه والرجل بالدرب منعاجه وسباقه=رجل(ن)تجي سابقة ما جات مسبوقه وعلى الدروب النقية تبذل الطاقه=وكل(ن)حسب وقفته يخبرك منطوقه ماشي دروب الشرف ما بعثر اوراقه=لنه ورد عد صدر مسقي(ن) نوقه والشوق بين الاحبة حط ميثاقه=هذي سوالف عن المخلوق موثوقه واللي ذبحني تعذر لي عن الباقه=والموت من يعرف ان الحب بعروقه قال ابتعد والدموع سيول سباقه=على خدودي من الاعيان مدفوقه ويالله بعد المغيب تعجل اشراقه=وتبشر القلب في قربه على ذوقه |
رد: الشوق بين الأحبة
اقتباس:
القدير / عبيد الله السميري حروفـ تتوجع وتشكي البعد باحساس صادق ومعاني عذبه باسلوب راقي يعطيكـ الف عافيه كن بخير |
رد: الشوق بين الأحبة
صح لسانك على القصيده الجميله
ربي يعطيك العافية ودمتم |
رد: الشوق بين الأحبة
قصيدة رائعه
تشكر شاعرنا على الابيات الرائعة |
الساعة الآن 02:40 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w