منتدى قبيلة السمره من جهينة الرسمي - شيلة الدنيا لشاعر عبدالرحمن مسعد الجهني اداء المنشد أبو تركي السناني

الدنيا
لشاعر عبدالرحمن مسعد الجهني
اداء المنشد أبو تركي السناني

ياللي من الدنيا كثير انزعاجك
وقتك يفوت وصافي الجو ما راق
أفرد حجاجك ﻻ تعقد حجاجك
ترى حلاة العمر في زين الاخلاق
ﻻتجعل الدنيا تعكر مزاجك
والرزق عند اللي عليم باﻻرزاق
وان كان ظرفك للمخاليق حاجك
اصبر ولو خاطرك من فعلهم ضاق
وان قفلت سود الليالي سياجك
واصبح مجال الصبر ماهو بمنطاق
اطلب من المعبود سكة خراجك
في ركعتين تشرح الصدر لاضاق
فيهن علاجك كان تبغى علاجك
عن كل حاسوس على الكبد حراق
وان كان شين الوقت بخطاه ساجك
سج القدم ﻻشفت بالغيم براق
ﻻرض ربيع وفي هواها احتياجك
ﻻحرك الورد الندي غصن اﻻوراق
في خايعاً زهره يزيد ابتهاجك
ويجلى الهموم اللي على القلب تنساق
واغنم زمانك قبل يطفي سراجك
من قبل مايقطفك قطاف اﻵرياق
ﻻيزيد في كل اﻻمور احتجاجك
الوقت زين وشين ووصال وفراق

شيلة الدنيا بدون إيقاع

[youtube]https://www.youtube.com/watch?v=TRrUoNr7Kxs[/youtube]

شيلة الدنيا إيقاع

[youtube]https://www.youtube.com/watch?v=SRZFKwIWGCQ[/youtube]