|
قصيدة عن الأم أبكت من لم يبكي..
بسم الله الرحمن الرحيم
------------------ اقرءوا معي ما كتبه هذا الشاب الذي في لحظة تهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذه... يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني .. ------------------------------- سامحونى قصيدة صعبة |
رد: قصيدة عن الأم أبكت من لم يبكي..
رحم الله والدته وأسكنها جنان الخلد ولكن ليعلم هذا الشاب والجميع أن الأجل لايمكن أن يتأخر ولا يتقدم بغض النظر عن الأسباب وهذا يومها المكتوب وليس لأي شخص حول ولا قوة في دفع الأجل أتفهم مشاعر ذلك الشاب وأسأل الله أن يصبره ويربط على قلبه ولكني ضد تحميله لنفسه المسؤولية فهذا قضاء وقدر بنت النور كل الشكر لك ياغالية على هذا النقل حفظك الله وحفظ لك من تحبين تقبلي مروري واثقـــــــــــــــــــــــــــــة الخطـــــــــــــــــــــــــــوة |
رد: قصيدة عن الأم أبكت من لم يبكي..
الله يعطيك العافيه
|
رد: قصيدة عن الأم أبكت من لم يبكي..
فداك القلب يايمه ومهما قلت من كلمات
صغيره في كبر حقك بس اتمنى تعذريني قصيدة جدً محزنه اللهم احفظلنا امهاتنا وابانا ورحم من كان ميتن منهم الله الله في امهاتكم احبتي فالجنه تحت اقدام الامهات مشكوره اختي الله يعطيك العافية |
| الساعة الآن 07:26 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w