|
لاصار عندك
لا صار عندك من ثمـيـنات الألماس ...خله بـصـدرك لين وقت التمامي
أخاف يطلعلك مـن الناس بلاس .....وإلا سـفــيه ما يرد السلامي الله خلق خلقه على عـدة أجناس .....وكلن يسوقه مذهـبه للأمامي والله خلق بالطير قمري وقرنا....ووقت الهدد ما ينغزي بالحـمـامي لا جال في صدرك من الهم هوجاس ....وعينك يحاربهـا لذيذ المنامي ونفسك عليله والفكر صار محتاس ....اترك طمان القـاع وارق السنامي عليك بالعالي ليا هب نسناس......يبري الجروح الخـافيه والعظامي وخلك لربـعـك دايم الدوم نـبراس .....وخص القريب وخص ولد العــمامي خلك لهم في داجي الليل مقـباس ....وللصاحب أصدق من حقوق الغمــامي ربعك ذراك ليا لحق راســك البـاس ...........قدم لهم شربك ولو كنت ضـامي وخلك لثوب الطيب والعز لبـاس ...............واترك دروبٍ تنتهي بالحرامي وفعل الجميل وواجب الضيف نومـاس ........ومن لا نفع بالضـيق نفعه عدامي بيت الكريم أبوابه بدون حـراس .....وبيت البخيل يـعـد مثل الهدامي كلٍ بها الدنيا نصيبه بـمقياس.........ياخذ نصيبه لوجــفـوه الأنامي |
رد: لاصار عندك
صح لسانك اخي النداوي قصيده جميله ومن اروع القصائد التي سمعتها
اعجبني فيها البيت اللي يقول لا جال في صدرك من الهم هوجاس ....وعينك يحاربهـا لذيذ المنامي ونفسك عليله والفكر صار محتاس ....اترك طمان القـاع وارق السنامي عليك بالعالي ليا هب نسناس......يبري الجروح الخـافيه والعظامي وخلك لربـعـك دايم الدوم نـبراس .....وخص القريب وخص ولد العــمامي اشكرك ونتطلع لجديدك تقبل مروري |
رد: لاصار عندك
عليك بالعالي ليا هب نسناس......يبري الجروح الخـافيه والعظامي
وخلك لربـعـك دايم الدوم نـبراس .....وخص القريب وخص ولد العــمامي خلك لهم في داجي الليل مقـباس ....وللصاحب أصدق من حقوق الغمــامي ربعك ذراك ليا لحق راســك البـاس ...........قدم لهم شربك ولو كنت ضـامي يعطيك العافية على النقل اخوي |
رد: لاصار عندك
شكرا لك ابو لمياء واهبوب الشمال على مروركم الذي اسعدني
|
رد: لاصار عندك
قصيدة رائعه نالت اعجابي كثيرا سلمت اناملك
وبنتظار جديدك |
| الساعة الآن 07:26 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w