|
القصيده المؤثره لشاعر في رثاء أبوه
الشخص منا ما يقدر ولا يحس بنعمة وجود والديه الا بعد فقدهم
ويا رب ما تفقدون غالي ابد .. واهذه القصيده لصاحبها / فهد الفرج التميمي .. يرثي والده ((رحمه الله)) يا قبر سلم لي على اللي نزل فيك ............................................. مع النبي الهاشمي والصحابه يابوي ياللي طيبات مماشيك ............................................ اسمع ولدك اليوم يكتب جوابه بجيرة الرحمن يابوي اهنيك ......................................... الواحد اللي ما يخيب الرجابه يابوي جعل الغيث يمطر ويسقيك .......................................... يرش قبرك لين يربع جنابه ما عنك خافي كل ما حل طاريك ........................................ يهل دمعي مثل وبل السحابه وتبكي الحنون وتنتخي بك وترجيك ......................................... من لامها جعله يضيع صوابه يبكي عليك العود الازرق ويرثيك ......................................... المجلس مابعد صك بابه وتبكي عصاك اللي وزانك تباريك ........................................ والدله الصفرا وباقي زهابه يا بوي ليتك تسمع اللي يشاكيك ....................................... وتشوف عقبك ما جرى له وصابه على النعش سجت عيوني تراعيك ....................................... واشوف قبرك يوم هلوا ترابه وشفت النصايب فوق قبرك تحجيك ....................................... يا شين ذاك اليوم واللي جرى به اقفوا وانا قلبي من الشوق قافيك ....................................... اقنب من الفرقا قنيب الذيابه يا بوي انا لك برفع الصوت وابكيك ...................................... وقت مضى وياك لا واسفابه لو طالت الايام ما نيب ناسيك ..................................... وشلون ابنسى من عطاني شبابه ويا ديرتي انا عقب احمر العين ما بيك ..................................... ديرتن عقب العود وش ينبغابه لولا رجالٍ فيك ما جيت ناصيك .................................... اللي لهم عز وجلال ومهابه كلٍ يغيب ورجعته لك تسليك .................................... الا طريح الموت يبطي غيابه مرحوم ياللي كل الاجواد تغليك .................................... فيك الكرم والجود كلٍ درى به سبع سنينٍ مالقينا مداويك ................................... عسى لك الجنه من الله وهابه في جنة منزالها عند واليك 000000000000000000مع النبي الهاشمي والصحابه |
رد: القصيده المؤثره لشاعر في رثاء أبوه
قصيدة جميلة جداً
لا هنت يا ابو فراس على القصيدة |
رد: القصيده المؤثره لشاعر في رثاء أبوه
يعطيك العافيه اخوي ابوفراس قصيده موثره الله يرحم موتانا وموت المسلمين جميع
|
رد: القصيده المؤثره لشاعر في رثاء أبوه
قصيده مؤثره وأسأل الله العظيم ان يكتب لك الأجر في كل من قرأها
وجزاك الله خيرا |
رد: القصيده المؤثره لشاعر في رثاء أبوه
اخوي ابو فارس يعطيك العافية على هذه القصيدة المؤثرة
|
رد: القصيده المؤثره لشاعر في رثاء أبوه
قصيدة جميلة جداً
|
رد: القصيده المؤثره لشاعر في رثاء أبوه
ننتظر جديدك
|
| الساعة الآن 10:18 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w