قصيدة الشاعر سعد محمـد مبيريك السميري فى زواج بـدر مـرضي السميري
 

بسم الله الرحمن الرحيم
هذه القصيده اللقاها الشاعر المتميز دائما الشاعر / سعد محمد السميري فى حفل زواج الاستاذ : بدر مرضي صالح السميري وذلك
يوم الجمعه ليلة السبت
الموافق 5 / 10 / 1435هـ
محافظة أملج - قاعة النخيل
واليكم القصيده :

[poem=font=",6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياهجسي دامك بملكي وأنا حر = ماكنك إلا عبد في حكم سيده
عليك بافرض وأشترط واتأمر = ملك عن أمري درب بالي نريده
لأن الشعر بحرا وأنا فيه بأبحر = وأصارع أمواجه ولو هي عنيده
واللي يقول الشعر ولا يجلب الدر = لو زاد قوله مايجيب الفريده
ومن شأن ربعي بأصل الخط الاحمر = والكايده ماهي علينا مكيده
يامرحبا ترحيب مثله فلا مر = بالي حضر من كل قوم وبديده
ويامرحبا ترحيب يبقا معطر = وعيدا مبارك بالليالي السعيده
ويامرحبا بربعي عدد ماستقاء البر = من مزنتا جت عقربيه حديده
وسالت ونبتت لين مانبتها اثمر = تقول بستانا تمايل جريده
لعزوة سمير اللي بها الراس يفخر = أهل المواقف والخصال الحميده
ويشوش رأسي وأفتخر وأتبختر = لأني سميري قدر ربعه رصيده
من لابت جهينه هل الفر والكر = يوم المعارك والليال الشديده
لابت ظفر عن ضيفها ماتعذر = بوقتن فتل بالقل للخلق قيده
فقيرنا يكرم ولايشكي المر = يوم المفطح في مقامه عصيده
بذيك السنين الشهب والوقت الاقشر = واللي يحصل لقمت البطن ميده
واليوم بأمن وخير طب وتخير = من نعمة اللي كل ابونا عبيده
وياالله تديم الأمن وتباعد الشر = بعهد أبو متعب والقياده رشيده
والليل هذا ليل نوره منور = بفرحت صبيا عيده اليوم عيده
بدر سليل المجد حرا ولد حر = وأبوه مرضي والمزايا عديده
رجلا مقدر والعوارف تقدر = للجود جود وللملاقا وليده
يضحك أحجاجه للعرب مايتكدر = حايز على كل الصفات المجيده
ويارب رحمه صفوها مايكدر = ترحم بها عودا نعده فقيده
وأختامها بحضور ربعي أبا أفخر = ومن شأن ربعي جبت بيت القصيده
وصلوا على محمد عدد نوا امطر = الهادي اللي دلنا للعقيده
[/poem]

قصيدة الشاعر / سعد محمد السميري

رد: قصيدة الشاعر سعد محمـد مبيريك السميري فى زواج بـدر مـرضي السميري
 

قصيده جزله ويستاهل الاخ بدر


والله يوفقه فى حياته كلها


تقبل مروري