منتدى قبيلة السمره من جهينة الرسمي - قصيدة الشاعر ناجي عويض العنمي في حفل جهينه

الروض الاًخضر
قـال الـذي بالشعـــر يصخـر مثايلـــــه ___ وينقـى سمـان القـول يتـرك هزايلـــه
ويبــدا بمــن هـو كــل مسلـم بدابــــه ___ سبحــــانه اللــي ماتعــدد فضايلــه
بديــــت بــه قــدام لا ابــــدا كلامــــي ___ بيـدينــه التوفيـــق ويجيــــب سايلــه
وياحبـنـا للـــدار والحفــــل واهلــــــه ___ مراكـــب الاشـــواق بالصــــدر جايلــه
ويامـرحبــا ترحيبـة الشــوق والغـــلا ___ تـرحيبــة تعــــدل صغـــا كــــل مايلــه
باســم الغنيــم الشيـخ واســم القبيلــة ___ تـر حيبــــة الجهنـــان برجــال وايلــه
عنــــد الرجـــال الطيبيــــن النـــوادر ___ آل الغنيـــــم اللـــي تنومـــس فعـايلـــه
شيخـاً محنـك شــاع صيتـه وفعلـه ___ علمــــــاً موكـــــد ماتخفــــى دلايلـــه
ســل صفحـة التاريـخ والعلم فيها ___ الــذكـــر يبقــــى والمخاليـــق زايلــــه
والنعـــم والله بالقبـايـل جميعهـا ___ كـــل الوطـــن بالفعــل تفخــر قبايلـــه
والفضــــل لله ثــــم للــــي بناهــــا ___ عبدالعـزيــز اللـــي حميـــده خصايلـه
لملـم شتـات الـدار مـن بعـد كـانت ___ فوضــى صـــدور القــوم بالحقــد شايله
كانت تناحـر ليلهـا مــــع نهارهـا ___ حتـــى الموالـــي كــان تخشــى غوايلـه
وجــاهـا معـزي ونتشـلها وصانها ___ بالعـــدل صـــال وقــام يشعــــب زمايلــه
وأرسا قـواعــدهـا وثبـت عـمـدهـا ___ واقفـــى عــــــدوه ماتبـــرد غلايلـــه
وغــنابهـا طيـر السـعـد بالمــســرة ___ بالـروض الاخضــر يـوم زانت خمايلـه
والــيـوم حنـا بامــن والأمـن بالله ___ الأمــــن والخيــــرات هلـــت مخايلـــه
بقيـــادة اللـــي قادهـــا واحتماهـــــا ___ والشـــــر عنهــــا قــام يقطــع حبايلــه
آل سعـــود الصارميـن الفــــوارس ___ والنعـــم عنـــــد الذكـــر لا قـــال قايلــه
بظــل أبو متعـب يقــود المسيـرة ___ يارب مــــده عــــون واكثـــر مثايلـــه
نطلـب له التوفيـق بالوقـت كلـه ___ ونرفـــع لـه البيضــا علـــى كـل طايلــه
دولة بحكم الشرع تقضـي وتحكم ___ مهمـا نفــــوذ الشـــــر زادت وسايلــه
ذي قبلة الاسـلام ذي مهبط الوحي __ تهفـي لها الارواح باعــــداد هأيلــه
وحنـا ذراهــا سترهـا دون الاعـدا __ لا قـام سيـــف الغـــدر تطفـــح مكايلـه
لاقامــت العــدوان تبــرق وترعــد ___ حنـا حمـاة الـــدار عــــن كــل غايلـــه
كـلاً يمـــوت بحبها يـذود عنهـا ___ ويـوم الحســـاب الكـل يلقــى عمايلـه
المهتـدي يلقـي الهـدى فـي طريقـه ___ والا الشقـــي يشقـــى وتكثــر هوايلـه
يا لا دمـي لاتتعـب النفـس بالهوى ___ العمـــــر فرصـــة ماتجــدد سمايلـه
والــرزق والاجــــال شيــاً مقـــــدر ___ بالــزود والنقصــان ماانتــه محايلـه
لكـــن اتكــل واعمـل بطاعـة وليك ___ واجـزم ورد النفــس عــن كـل عايلـه
هــــــذا وصـل الله وسلـم وبارك ___ عليــك ياللـــي طيبــــات سلايلــــه
نبينـا المختـار ياصـفـــوة المــــلا ___ مقــدار ضــو الشمـس فــي كـل قايلــه