منتدى قبيلة السمره من جهينة الرسمي - لآضاق صدرك عالي الصوت جره

- مـنـتـدى الـشـعـر وهـمـس الـقـوافـي (http://www.sumiry.com/vb/forumdisplay.php?f=34)

- - لآضاق صدرك عالي الصوت جره (http://www.sumiry.com/vb/showthread.php?t=3480)

لآضاق صدرك عالي الصوت جره

( صح لسان من قالها )

لآضاق صدرك عالي الصوت جره==لو كان قلبك ما يطاوعك مسرور

دنياك لو تســــوى من الحِزن ذرّه==ما كان تاليها تــــــوابيت وقبور

وما كان للكافر بعمره مســـــره==وما شفت في ملكه ملايين وقصور

العـــمر يمضي بين حلوه ومره==والموت حق وقابض الروح مأمور

دام الحياه الفانية مســـــــتقره==ورزقك يجيك وبين الأجواد مستور

لاتنشغل بالوقت بـــــرده وحره==واحذر تصير بقسمة الناس مقهور

وحكم القدر لاجاك خيره وشره==أشكر عظيم الشان والذنب مغفور

والمجلس اللي يزعجك لا تمره==خله تراك بشــــوفته منت مجبور

والرجل سقها في صحاصيح بره==ومد النظر مابين ريضان وزهور

لا صار وجه القاع ما فيه جره==والمشــــي حافي والثرى توممطور

ساعات صمتٍ ما وراها مضره==تسوى الكلام اللي به إذنوب وإشرور

أطلق خيالك وأترك النفس حره==وخل الطبيــــــعه في حياتك لها دور

وبالليل لا بانت نجوم المجّره==أذكر بديع الخلق بـِ إحـساس وشعور

واسجد لرب الكُون مره ومره==وإحفظ لسانك وأترك الكذب والزور

وفروض ربك خلها مستمره==وطاعتك لا يدخل بها نقص وقصور