منتدى قبيلة السمره من جهينة الرسمي - قصيده عن الأخــــــــــوان

الناس واجد مير ما مثل الاخوان 00000ما مثل اخوك اللي يحبك ويغليك

مثل اخوك اللي صدوق ومعوان 00000 تفديه بالغالـي وبالـروح يفديـك

يشكي لك جروحه وهمه والاحزان 000000 ولا ضاقت الدنيا بهمك يواسيـك

لو كان لك ربعٍ ونـاسٍ وجيـران 0000000ما مثل اخوك اللي عن الناس يغنيك

أخوك هو عزك ولو كان ما كـان 000000 يبيع كل الناس لأجلك ويشريـك

أنا أشهد أنه لك على الصدر نيشان 00000 تاجٍ على راسك وستـر يغطيـك

وانا اشهد انه مـا يثاقـل بميـزان 000000مثل الذهب والماس مافيه تشكيك

وانا اشهد إنه ما يقـدر بالاثمـان 0000000 عن العدو حصـن ودرع يوقيـك

إياك لا تفتـح طريـق لشيطـان 00000000 بينك وبينه جعـل ربـي ينجيـك

ولا تستمع لاجاك علان وفـلان 00000000يا كثر ما تسمع من اللي يعاديـك

ولا تجعل لغيرك على العقل سلطان 0000000ترى كثير اللي بشـوره يدهويـك

ترى الدهر دوار يا سرع الأزمـان 00000000 يومٍ تواريـه الثـرى أو يواريـك

تقول يا ليت الذي كـان ماكـان 000000000 يا ليتني بالقبر جنبـك واخاويـك

يا ليتك تعود واضمك بالاحضـان 00000000 أضمك لصدري واقبـل أياديـك

يا ليتك تعود ترى القلـب ندمـان 0000000 وده يسوق المعذرة ثـم يراضيـك

مير البلا يا ليت مـاردت إنسـان 0000000ويا ليت ما تمحي ظلام بما ضيـك

تماكن الدنيا وواصـل بالاحسـان 0000000قبل الندم يطويك والهـم يبريـك

ونهاية المشوار ما غيـر الاكفـان000000 ويبقى مع السارين ذكرك وطاريك