منتدى قبيلة السمره من جهينة الرسمي - خلّوه .. يجرحني و يرتاح .. خلّوه..

- مـنـتـدى الـخـواطـر وعـذب الـكـلام (http://www.sumiry.com/vb/forumdisplay.php?f=35)

- - خلّوه .. يجرحني و يرتاح .. خلّوه.. (http://www.sumiry.com/vb/showthread.php?t=3861)

خلّوه .. يجرحني و يرتاح .. خلّوه..

خلّوه .. يجرحني و يرتاح .. خلّوه
يبوح .. باشياء .. قديمه .. كتمها

لا ماعلى .. طعنات يدّيه .. مشروه
أستاهل الطّعنه .. واجي .. و اغتنمها

قولوا له انّي قلت ياناس .. عانوه
ذا .. قلبه الغالي.. وروحي حكمها

هو من كسبني يوم غيره تحدّوه
لو كنت ( ديره ) كان قلبه.. ( علمها )

ماغرّني غيره ولا الغير .. غرّوه
لكن مباني الحب .. حظّي هدمها

في حفرة الضّيقه .. اذا طاح.. شلّوه
هو من حياتي .. بالسّعاده رسمها

طلته ولا غيري من النّاس .. طالوه
له هيبة .. عنّ جد.. انا أحترمها

بقول ياقلب نفع ناس .. باعوه
زمن نفع ناس .. و ناس .. ظلمها

برحل عن دياره .. وفالقلب .. انسوه
متدفّي بنار ..فراقه فحمها

مجبور أجافي .. بسّ وصّوه .. وصّوه
يذكر ليالي .. حبّنا .. ويحشمها

ماجاه منّي.. أي غلطه .. ومكروه
راح بشموخه.. والمحبّه ..حسمها

خلّوه ينساني .. ويرتاح .. خلّوه
مادامها .. فرقا .. وربّي.. قسمها..