منتدى قبيلة السمره من جهينة الرسمي

من أروع القصائد

البارحة كن الفضاء غرفـة انعـاش *** وانا المريض الـي حياتـه كسيفـه
والهم ذيـب ٍ للمعالـيـق عـراش *** والقلب شيخ ٍ واعضم الحزن ضيفـه
واليا نشدنـي واحـدٍ قلتلـه مـاش *** مابـه جديـدٍ للقـديـم بنضيـفـه
ياليتها ضيق ٍ فالأرزا ق واعتـاش *** اعتاش لو ما القى بعمري وضيفـه
وليت السبب حب ٍ للأطراف رعاش *** كـم ٍ وليـف ٍ ماحصـلـه وليفـه
مير البـلا لاشفـت للديـن نهـاش *** امن النفوس الحاقـدا ت الضعيفـه
ومن عادتي لا جبتها جبتهـا كـاش *** والي زعل يزعل على كيـف كيفـه
هذا جوابٍ عاجل لطـاش ماطـاش *** يخزي وجه ناصر ويخـزي حليفـه
مانقبل الصـوره بتفكيـر حشـاش *** لأهل القلوب الطاهـرا ت الشريفـه
لا عاش من يشتم هل الدين لا عاش *** ولا عاش من يشهر على الدين سيفه
ذولا هل التوحيد يالغـادر الغـاش **** ريفك وريف الي خذا الوقت ريفـه
اقلوبهم بيضا وابيض مـن الشـاش *** وافعالهـم عنـد المعـاد ي كليفـه
ذولا رجال الدين ياكلب الاحـواش **** الله مكرمـهـم بـمـلـه حنيـفـه
ولا انت ضايع بايع الديـن ببـلاش **** بصيرتـك بين البصـايـر كفيفـه
بكره ليا جتك المنيه علـى فـراش **** ومرت حياتك قدم عينـك عصيفـه
وحسيت في روحك تراقى مع الجاش **** ودموع عينك فـوق خـدك ذريفـه
عرفت بأنك مرتكيلك علـى قشـاش *** وانك ظلمت اهل القلـوب النضيفـه
في وقتها مالك من الموت منحـاش *** بيحاسبـك راع العـدل والنصيفـه
ولحدن بمرمش لا توفيـت برمـاش **** جيفه ومن يبكي من النـاس جيفـه؟
ان عشت يا خفاش وان مت خفـاش *** مايفقـدك غيـر العقـول الخفيفـه
وختامهـا مانـي بجايـك برشـاش *** لأّنا بحكم اهـل السيـوف الرهيفـه
مير افهم الموضوع ياطاش ماطاش *** واترك تفاهـات اليهـود السخيفـه