منتدى قبيلة السمره من جهينة الرسمي - شد الركايب ورانا ياحمد مسرا

- - شد الركايب ورانا ياحمد مسرا (http://www.sumiry.com/vb/showthread.php?t=5029)

شد الركايب ورانا ياحمد مسرا

الســـلام عليكـم

قصيدة اتمنى ان تجوز لكم ..

شد الركايب ورانا يـا حمـد مسـرا * خايلت برق(ن) يفز القلب من نـوره

سقها عسا جرحي اللي ضامني يبـرا * لا الذنب ذنبي ولاني راعـي البـوره

وش حيلتـي لاتولـع قلبـي بعـذرا * عند الملا دايم(ن) بالزيـن مذكـوره

خشف(ن) لها جادل(ن) ماشلته شقـرا * يا عل ماهي على فرقـاي مجبـوره

عيني وطنها وصدري جنة(ن) خضرا * بين المحاني بنـت للعشـق معمـوره

واليوم ماعاد لي منهـا سـوا الذكـرا * بعض الرسايل وبيت(ن) في قفا صوره

قفت وكن الوطن مـن عقبهـا قفـرا * وخلت قصور(ن) بنت للعشق مهجوره

يالله دخيلك مـن ايـام ٍ لفـت قشـرا * كم زعزت شامخ(ن) ثم بان مستـوره

خلت خدمهـا علـى عمانهـا تجـرا * وصغير القوم يسبق شيخهـا شـوره

يا يابس العود لا لا تزري الصحـرا * شف عرقك اللي ظما والقاع ممطوره

الـراس دل السنـع مناظـر لحـدرا * ماهزته دمعته يـوم اخلفـت شـوره

حذراك ياللي تمـاري بالهـوا حـذرا * الناس لامست ترا في داخلـي ثـوره

كيتْك عيـت مـع الاوجـاع ماتبـرا * وباقي المواجع مع الانفـاس مقبـوره

والبارق اللي لمع في ناظـري حـدرا * والله ماتـبـع مخاييـلـه ولا ازوره

واليوم لاعاد به شـد(ن) ولا مسـرا * ببكي حمد واتغزل فـي هـوى نـوره