منتدى قبيلة السمره من جهينة الرسمي

- - ابيات في قصه (http://www.sumiry.com/vb/showthread.php?t=5583)

ابيات في قصه

فيه شخص ثقيل دم كل ماقابل خويه يدور شيء ينتقده
وكل سوالفه كأنها سوالف نسوان ..

مره يقول (نعالك مو ماركه)

ومره (قماش ثوبك صيني)

وآخر مره قاله

(قلمك رخيص مو زي قلمي الـ dior)

http://www.indexsignal.com/forum/att...1&d=1276313100

فكتب له بقلمه [الرخيص] هذي الأبيات:

في جيبي العلوي قلم بأربعه ريال
وأخطّ به مالا يخطّه (ديورك)

هذي علومك،،، كلها عوج وهزال
اسمعني، اللــه لايجبّر كسورك

فرحان.. تشري بـ(ألف وشويه) نعال!
تمشي بك دروب المذله بـ شورك

ومفصّل بـ (حول الثلاثميه) عقال!
وتحته عقل فارغ سوى مـن غرورك

يا تافه .. ارخ السمع للي بينقال
وتراه ماهو مـن دواعي سرورك

اللبس ماعمره ستر عيب رجّال
هذا انت ماتستر خَواك بـ قشورك

ومادامك تقيس الأوادم بالأشكال
عندي تساوت غيبتك مع حضورك

رح خاو خاوي مثلك أشبه بـ تمثال
يرضي برستيجك ويسعد شعورك

ما اتشرف بمعرفتك ولا انت فـ البال
ولا عاد أشوفك عندي ولا بأزورك

مغنيني اللـه عنك برجالٍ ثقال
مافيهم اللي حب تمثيل دورك

أقلّهم لو شاف تقصير وإهمال
يسد نقصك ما يدوّر قصورك..

رد: ابيات في قصه

اللبس ماعمره ستر عيب رجّال
هذا انت ماتستر خَواك بـ قشورك

لوماقاله غير ذا البيت على بالحرام يكفي عن قصيده. اشكرك اخي النداوي على هاذا السرد الجميل للقصه المعبره والهادفه .

رد: ابيات في قصه

تسلم ابو الهنوف على مرورك المميز ولا تحرمنا من جديدك

رد: ابيات في قصه

صح لسانك على القصيدة

رد: ابيات في قصه

يعطيك العافيه اخوي النداوي

رد: ابيات في قصه

شكرا على مرورك اخوي ابوحسان كذلك هبوب الشمال

رد: ابيات في قصه

قصيده جميله ..ابدعت بالاختيار

رد: ابيات في قصه

يسلموووووو على المرور

رد: ابيات في قصه

صح لسانك على هذه القصيده الراااائعه والجميله
ننتظر منك الجديد
تحياتي

رد: ابيات في قصه

تسلم ابو لمياء شكرا لك على المتابعه