|
بحر كل طاروق
تجاوبآ مع رغبة الجميع بعد مشاركتي بقصيدة ( شاعر ملك )
http://img.timeinc.net/time/time100/...ullah_saud.jpg والاصرار على اضافة قصيده اخرى بنفس المناسبه اهدي للجميع هذه الابيات وهي بعنوان (( بحر كل طاروق )) يا حرف لك ميعاد ماهو بمسبـــــــــوق === عظيم شعرك بالولاء صـــــوغ بيتــه واحفظ حقوق الشعر واظهر لي حقوق === الحاكم اللي ذاع صيتك بصـــــــيته من غير ابو متعب (بحر كل طاروق) === تطرب له اذن المســــــتمع لا حديته الحرف دونه صمت لو كان منطـــــــــوق === ان مـــــر دونه يعلم الله نســـيته باسمه يروق الشـــــــــــعر ويروق ويروق === يلفي عزير وفي خيالي ســـــريته ياالعادل اللي بالتواضع سما فــــــــــــــوق === تستاهل اسمآ قبل ذا ما عـــــطيته اسمآ ولا ناديت به قبل مخــــــــــلوق === اعني واقول وقصـــدي اللي عنيـــــــته انسى سواليف وهوى ليلة الشــــــــوق === الشــــــــوق غائب توي اللي لقيتــــه بارواح صفت كونت للحمى طــــــــوق === تسابقت له قالت البـيـــــــــــت بيتــــه حي الوفاء لامن حضر يلعن البـــــــوق === ودليلها بكتـــــــاب ربي قـــــــــــريته اللي محــــيا طلته لمـــعة بــــــــــــروق === يارب في ثوب المهــــــــابه كســيته ثوبآ مناسبـــــله ولا منه بالســــــــــــوق === يوم الشــــــهامه قالت انا شــــــريته ياللي تمنى تاصله توجد فـــــــــــــروق === صـــــــعب الربيع نقارنه بارض ميته هذا من الهتان تحيا به عــــــــــــروق === وذاك أرض صبخه وردها ما جنيـــــته قل للمعاند فوق من نومتك فــــــــوق === وارجع على درب الخطــا اللي مشيته وكان الحقيقه صوتها فيك مخــــــنوق === النار نارك جــــــــمرها اللي وطــــيته ضمد جروح الصدر بالصــدر بحروق === وجرب تكون بدور واحــــــــــد كويته هذي بلادي شمسها عز وشــــــــروق === والشمس كل الكون جت معتـــــــليته ومن يسألك قل عشق شاعر ومعشـوق === وقل قال هذا القـــــــــول وانا رويته اخوكم :عبيد السميري شاعر ملوك العقيده |
رد: بحر كل طاروق
صح لسانك قصيده رائعه في ابومتعب يستهاهل
|
رد: بحر كل طاروق
صح لسانك اخونا الشاعر المتالق والمتميز دائما
الشاعر عبيد السميرى اطلق عليه لقب شاعر ملوك العقيده وذلك عندما نظم قصيده فى مسابقة شاعر الملك واليوم يتحفنا بقصيدة اخرى رائعه شكرا لك شاعر نفتخر بك وبما تنظمه من ابيات جميله ويستاهل ابو متعب المدح وتقبل تحياتي |
رد: بحر كل طاروق
هذي بلادي شمسها عز وشــــــــروق === والشمس كل الكون جت معتـــــــليته
يعطيك العافية اخوي الشاعر المتالق عبيد السميري ويستاهل ابومتعب |
رد: بحر كل طاروق
يعطيك العافيه شاعرنا عبيد السميري وصح لسانك شاعر متمكن وقصائدك رائعه ودائماً جزله وقويه
وبيض الله وجهك على هذه القصيده جداً جداً جداً رائعه وتستاهل القب شاعر( ملوك العقيده )لانك فعلاً شاعر ولك عقيده وان شاءالله تكون من ملوك الشعر والابداع والتميز واتمنى ان تستمر في الطرح وبذل المزيد والمزيد من القصائدالجميله فلاتحـــــــــــــرمنا جديدك تحياتي وتقديري لك |
رد: بحر كل طاروق
قصيدة غاية في الروعة
|
رد: بحر كل طاروق
~$~ عبيد السميري ~$~ ** صح لسانك ** ~ الله يعطيك الف عافية على القصيدة الرائع و المميز ~ واصل تالقك معنا في المنتدى ~ بارك الله فيك اخي ... ~ ننتظر منك الكثير من خلال ابداعاتك المميزة ~ لك منـــــــ اجمل تحية ــــــــــي |
| الساعة الآن 08:35 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w