منتدى قبيلة السمره من جهينة الرسمي

- - تحديد المصير (http://www.sumiry.com/vb/showthread.php?t=6999)

تحديد المصير

من الشعر الهادف الذي لا يجي درجة المدح والحكم اولآ واخيرآ لمتذوق الشعر وليس للشاعر

(( تحديد المصير))

كان ميعادك على نفس الهجير === ليه سابقت الوعود اللي عطــــيت

جيت لا ناقه ملكت ولابعــــــير === الوكاد اني على دربك ســــــريت

والفكر للحرف في دور الوزير === قال حملك قال ماعمـــــري عصيت

المسافه جمعت حشدآ غفير === ودها كســــــر الطمــــــوح اللي نويت

الصدى من صوتك اللي قال سير === يوم جاوبته وعنــــــوانه مشيت

والأمل شربه من اطراف الغدير === كان ماجف الغــــــدير ولا رويت

مات ولا غاب تعذيب الضمير === وانت تدري واحســـــبنك مادريت

وان سألتك قلت علمي كل خير === قلت خير ورحـــت واشوفك نسيت

حان ميعادك وخبرك البشير === والغريبه في خبــــــرها اللي قريت

اول الصفحه لتاليها يشـــــير === طــــعت باولها وتاليها عصـــــــــيت

جيت ياعنوان تحديد المصـير === في مواعـــــيدي واشوفك ما احتريت

كيف الاول وانت بالصف الاخير === لا يكون انك محـــــلك ما بديت

اخوكم : عبيد السميري
شاعر ملوك العقيده

رد: تحديد المصير

صح لسانك شاعرنا عبيد السميري
قصيده رائعه
يعطيك العافيه

رد: تحديد المصير

والأمل شربه من اطراف الغدير === كان ماجف الغــــــدير ولا رويت

مات ولا غاب تعذيب الضمير === وانت تدري واحســـــبنك مادريت

تشكر على القصيده الرائعه

رد: تحديد المصير

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~