منتدى قبيلة السمره من جهينة الرسمي - ياليت بارق ليلـه السبـت مـا لاح

- مـنـتـدى الـشـعـر وهـمـس الـقـوافـي (http://www.sumiry.com/vb/forumdisplay.php?f=34)

- - ياليت بارق ليلـه السبـت مـا لاح (http://www.sumiry.com/vb/showthread.php?t=7152)

ياليت بارق ليلـه السبـت مـا لاح

سامحوني لأنها راح تفتح جروح بعض الناس

ياليت بارق ليلـه السبـت مـا لاح == ولاجذبني نـور برقـه وانـا آسيـر
وياليت يرجع لي من العمـر مـاراح == وارتاح من طـرد السنيـن المدابيـر
وياليت صبري صبر ساقـي وفـلاّح == واصبر على الدنيا وحكـم المقاديـر
وياليت لي قلـبٍ معاليقـه اصحـاح == اقوى من الفولاذ واعمق من البيـر
وياليت لكـن ليـت مامنّهـا اربـاح == مامنّهـا إلا زود جـرح ومخاسيـر
عليـك يامحيـي ونـزاع لــرواح == يارازق الطير الفلاحـي مـن الطيـر
شكوى الغريب اللي عليه الزمن طاح == مال وظلـم ولا لمـا صـار تبريـر
عليـك جـرحٍ مانفـع فيـه جـراح == حتى الدوى به مالـه ايـات تاثيـر
انتـي وانـا ياعبـره الليـل سيـاح == في عين من تصعب عليه المعاذيـر
يا لايمي حتـى لـو الدمـع فضـاح == ابشرك في خير والحـال فـي خيـر
ماهوب انا اللي طحت في عشق ذباح == صحيح كلاً يعشـق البيـض ويغيـر
ويحب من طبعه معى الناس مـزاح == ويضحك معه ضحك النفل للنواوييـر
طبعي وطبعي يختلف عنـك ياصـاح == انشهد اني غير واهل الهـوى غيـر
عايش وكني بين غابـات واشبـاح == واضحك وقلبي كّن به نافـخ الكيـر
مركب ومرسى هم وشـراع وريـاح == مـع ونـةٍ تلتـف منهـا لعاصيـر
حلمت حلـمٍ كلـه ادمـوع ونيـاح == وفزيت منّـه فـزت الصيـد لاذيـر
غديت مـن بعـد السعـاده ولفـراح == مثل السجين اللـي عليـه التباشيـر
حالي ذوى والوضع منّه الخفى بـاح == الوضع مايستحمـل الوضـع تاخيـر
انا ووقتي حـرب وطعـون ورمـاح == حرب البسوس ومعركه سالم الزيـر
ياحظي افـزع قبـل تطلـع وتـزاح == شمس الضحى تفضح على آآقل تقدير
لو كان قلبي صدق مبسـوط مرتـاح == ماكان شفت ادموع عينـي مناثيـر

الشاعر

متعب سعيد اليامي

[/CENTER]