منتدى قبيلة السمره من جهينة الرسمي - قصيدة الشاعر مصبح الحبيشي يوصي ابنه حميدان

قصيدة:: الشاعر مصبّح الحبيشي الجهني رحمه لله

يوصـي فيـهـا ابـنـه حمـيـدان رحـمـه الله

أوصيك يا حميدان لنّ القضاء صار == وأبعدت عنكم فـي بعيـد المسـارا

حشم رحيمك يا ولد وأكـرم الجـار == اخشار في مالك كود إنك خيـارا

أوصيك لمّ المـال والمـال ستـار == ورجلاً بلا مـال زنـوده قصـارا

ومال بلا قيـم كمـا سنـف طيـار == في ساعة ما أحد درى وين طـارا

وجوداً بلا مال كما نجـل مخضـار == في الصيف ما يقفن عليه البكـارا

والمال تندر به علـى كـل منـدار == كلايـف تحضـر بلـيـا عــذارا

واحذر من المكفـول تـراه غتـار == مثل الرسن في مصعبات الحـرارا

لا شد مكفولك على يديـن حضـار == لو طربعت ترجـع لـذاك النهـارا

واذكر كبيراً لك إذا سـرت محتـار == تسند بها لـو كـان مالـك كبـارا

وا كبارنا اللي راحوا ما لهـو ثـار == وحنـا وراهـم نلعـب الاعتكـارا

وكبارنا تفتل لنـا الفتـل بإيسـار == مثل العقيد اللـي منـاوي المغـارا

إن خيلـوا خرمـا نسـدة بدينـار == يوسعونـه ليـن زمـلـه تـبـارا

وأوصيك لا تطنز ترى الطنز ثبـار == خلى الصقـور تصيدهـن الحبـارا

وارع الرفاقه يا كمـا بـن وبهـار == محموس ومهيل علـى جـال نـارا

وإن كان دزت زهمها راح في النار == وإن روقـت يـا زينهـا بالبهـارا

وأوصيك ون جوكوا نواصي وخطار == رحب بهم والبال مـا بـه غيـارا

يوم الردي قاعد كما بومـة الغـار == وليا اقبلوا علـى عيونـه غتـارا

ولا قلطّوا جاك يتنسل كمـا الفـار == وعينه توال الصـور زي الشـرارا