|
يمه هين الهوى بعيون بنتك صار بين
يُمه ... هَيّن ...!! الهوى بعيون بنتك صار..|.. بيّن ... ما يبي له من يعَلم ...!! وصاحبي بالعشق أُستاذ ومُعَلِم.. ~ كيف اخبي ...؟! إنتي من جِدك يا يُمه ...؟! وانا {{ بنــوته}} وقلبي وردي ... وصغَيّر ... و " لَيّـن " ايه احبه ...!!يعني هذا اللي تبينه ...؟! كيف اخبي وهذا دربي ...؟! و{الهــوى} مكتوب من ربك وربي يوم شفته ,, متكشخ ... ومتعطر ... ومتزين طاح كآسي فدوته راسي ... وناسي مو بكيفي ...!! يُمه جنني ب حنانه ما يخون ~.. الهوى عنده امانه ... وريحة انفاسه دخون ! مو طبيعي هالولد من جد يُمه فيه ذوق ... وفيه شوق ... وفيه للعشاق عوق يُمه يسلم لك حبيبك والله نَسَاني حليبك أي ورب الكون يُمهيُمه لو تدرين عنه ... قلتي لي فالك حبيبك ايه {احـــبه} ... ايه يمهايه اموت برعشة شفاهه واذا يسمح الَّمّه سامحيني لو حلفت إني لَ " لِمّه " مو بكيفي وضحكته خمري ... وكيفي مو طبيعي هالولد عمري وربيعي وفوق هذا صار شاعر ... كله يتغزل بخصًري ... وريحة انفاسي وعطري .. قال احبك قلت ادري قال ياحلوهٍ غرورك ... شمس وجهك تكسر عيوني بنورك قلت كافي ! قال شورك والله فعلاً مو طبيعي إن عشق كله جنون وإن حكى كله فنون ... على راسي ما يهون إيه يُمه إيه احبه واعصر ضلوعه واضمه وانتشي من ريحة انفاسه... " واذا يسمح اشمه" خلى "لعيوني" كثير من البنات ... على شاني خلى نورة وخلى لمياء وخلى خولةايه يُمه وخلى نوف بنت خاله ... وخلى مهآ بنت عمه اللي ابوها اخو ابوه ... ودمها هو نفس دمه باعهم لعيون بنتك ... واشتراني ... شفتي يُمه ...؟ وآنا اراه إنه غرامي ... وهو بعد مثلي يراني ...! إلا احبه إلا احبه إلا احبه واللي ما يسمعني يسمع ... إلا احبه واعشق ترابه اذا داسه برجله قال لي مَرة اناظر ... قلت حاضر يا الله ناظر يوم ناظرني بكيت ما تحملت الهوى بعيونه السوداء وشكيت قال :ابوسك ...؟! قلت :تعقل ... وإلا احوسك ...؟! قال :انا اقصد على السنة قلت:ليت قال :والله لآخذك قدام اخوك ... بعد ما تربط يديني في يدينك بأمر ابوك قلت : تبطي ...؟! قال : لا لا قلت : لو ابطيت جيتك قال يسلم لي وفاك ... قلبي قلبك ... وبيتي بيتك ... لعن ابو من خان عشقك وما حفظ عهده م ع اك ... وما رعاك ... وما تذرى ظلال خصرك وقت صيف وما دفن نفسه بحضنك وخذ دفاك وإن خطبني لا تردونه يا يُمه ... آنا ابيه قولي ( تم ) لا تخلين العُمر يمشي ألم ... ها يا يُمه ...؟!قولي ( تم ) ! |
رد: يمه هين الهوى بعيون بنتك صار بين
بنتظآر حروف جديدهـ لهآ أنغآم مملوءهـ بالجمآل
دمتي و دآم قلمكـ يسطر لنآ أروع الحروف تقبلي مروري ودمتي بود |
رد: يمه هين الهوى بعيون بنتك صار بين
يسلمووووووووووووووووووووووووووووو
على المرور |
رد: يمه هين الهوى بعيون بنتك صار بين
يسلموووووووووووووووووووووووووو اختي على الكلماات الرائعه ربي يعطيك العاافيه دووم البداع حليفك فلا تحرمينا من جديدك تحياتي ~ْ{ طير المحبه }ْ~ |
رد: يمه هين الهوى بعيون بنتك صار بين
يعطيك العافية صدى الاهات
|
| الساعة الآن 09:25 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w